15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Մեկուկես օր առանց ջրի ոչ միայն բնակելի շենքերում, այլև հիվանդանոցներում. Կենտրոնի բնակիչներն ահազանգում են
22.05.2023 | 12:05
FactorTV-ն վաղ առավոտից զանգեր է ստանում Կենտրոն վարչական շրջանի բնակիչներից։ Նրանք վրդովված են «Վեոլիա Ջուր» ընկերություն տարածած հաղորդագրությունից, որով տեղեկացվում է, որ պլանային աշխատանքներով պայմանավորված, շուրջ մեկուկես օր՝ մայիսի 23-ին` ժամը 10:00-ից մինչև մայիսի 24-ը ժամը 22:00-ը Կենտրոն վարչական շրջանի մի շարք հասցեներում։ Ջուր չի լինի ոչ բնակելի շենքերի, այլև Մխիթար Հերացու անվան պետական բժշկական համալսարանում, Մարգարյան և 1-ին համալսարանական հիվանդանոցներում, Ազգային անվտանգության ծառայության, Սպենդարյանի անվան օպերայի և բալետի ազգային ակադեմիական պետական թատրոնի շենքերում։
«Էս եղանակին, մանկահասակ երեխա ունեցող, միայնակ ապրող կամ վատառողջ տարեցները ո՞նց պետք ա մեկուկես օր առանց ջուր մնան»,- վրդովված նշում էր քաղաքացիներից մեկը։ Վրդովված բնակիչների ահազանգի մասով Factor.am-ը փորձեց պարզաբանում ստանալ «Վեոլա ջուր» ընկերությունից։ Մամուլի պատասխանատու Զառա Նազարյանի հետ այդպես էլ չհաջողվեց կապ հաստատել, իսկ 1-85 «Թեժ գիծ» ծառայությունից մեզ փոխանցեցին, որ պլանային ջրանջատում է, ինչի մասին իրենք 2 օր առաջ տեղեկացնում են քաղաքացիներին, որ ջրի պաշար հավաքեն։
Ռոզա Վարդանյան
