26.08.2026 | 18:25
Հայաստանի և Վրաստանի ֆուտբոլի ֆեդերացիաները քննարկում են ունեցել
«Չեմ կարծում, որ ՀՀ-ն ՀԱՊԿ-ի զորամիավորման տեղակայման կարիք ունի»․ Տիգրան Բալայան
Քաղաքականություն
02.07.2018 | 11:55
Շաբաթ և կիրակի օրերը լարված են եղել հայ-ադրբեջանական սահմանի նախիջևանյան հատվածում․ հակառակորդը փորձել է դիրքային ամրապնդման ինժեներական աշխատանքներ իրականացնել, ինչը թույլ չի տվել հայկական կողմը՝ կրակ բացելով այդ ուղղությամբ։
ՀՀ ԱԳՆ մամուլի խոսնակ Տիգրան Բալայանն, այսօր լրագրողների հետ ճեպազրույցում, անդրադառնալով Նախիջևանի հատվածում տիրող լարվածությանը, նշեց, որ հայկական կողմը շարունակաբար այս հարցը բարձրաձայնում է՝ համանախագահներին լսելի դարձնելու համար, և այստեղ լուրջ անելիք ունեն հենց համանախագահները, քանի որ Ադրբեջանը, փաստացի, անտեսում է նրանց կոչերը։
Հարցին՝ արդյոք ՀՀ-ի անվտանգության հարցը պե՞տք է քննարկվի ՀԱՊԿ-ում, հնարավո՞ր է արդյոք քննարկել ՀԱՊԿ զորքեր Նախիջևանի սահմանին տեղակայելու հարցը, Տիգրան Բալայանը պատասխանեց․ «Արցախում տեղի ունեցողը ՀՀ-ի անվտանգության հետ է կապված, իսկ ՀՀ-ում տեղի ունեցողն Արցախի անվտանգության հետ ուղիղ կապ ունի։ Օպերատիվ կերպով մենք ՀԱՊԿ-ին տեղյակ ենք պահել սահմանային լարվածության մասին, իսկ ինչ վերաբերում է Նախիջևանի հատվածում ՀԱՊԿ զորամիավորում տեղակայելուն, ապա ես չեմ կարծում, որ ՀՀ-ն այլ երկրի զորամիավորման տեղակայման կարիք ունի»։
