06.10.2026 | 14:52
ՀԾԿՀ-ում քննարկվել է «Firebird AI» տվյալների կենտրոնի էլեկտրամատակարարումը
Սերգեյ Լավրովը՝ Մոսկվայում ԱԳ նախարարների եռակողմ հանդիպման արդյունքների մասին․ ՏԵՍԱՆՅՈՒԹ
Քաղաքականություն
19.05.2023 | 17:26
Հայաստանն ու Ադրբեջանը սկսել են աշխատել խաղաղության պայմանագրի ուղղությամբ, այն քննարկվում է, այդ թվում՝ միջնորդների ներգրավմամբ։ Մոսկվայում ԱԳ նախարարների մակարդակով եռակողմ հանդիպումից հետո հայտարարել է ՌԴ ԱԳ նախարար Սերգեյ Լավրովը։
«Առանձին թեմա է խաղաղության պայմանագիրը, կողմերը սկսել են աշխատել դրա ուղղությամբ, և այժմ այն ակտիվորեն քննարկվում է, այդ թվում՝ այլ միջնորդների ներգրավմամբ․ Հայաստանի և Ադրբեջանի նախարարները մեկնել են Վաշինգտոն, Հայաստանի և Ադրբեջանի ղեկավարները մեկ շաբաթ առաջ Բրյուսելում էին»,- ասել է Լավրովը։
Ռուսական դիվանագիտության ղեկավարն ընդգծել է, որ խաղաղության պայմանագրի վրա աշխատանքը հիմնարար է։
«Սակայն մեր գործընկերներն այսօր հաստատեցին, որ առանց սահմանազատման, տրանսպորտային և տնտեսական հաղորդակցությունների ապաշրջափակման հարցերի լուծման, առանց Ղարաբաղում և հայ-ադրբեջանական սահմանին անվտանգության իրավիճակի ընդհանուր բարելավման դժվար է առաջ շարժվել խաղաղության պայմանագրի կոնկրետ ասպեկտներով»,- հավելել է նա։
Լավրովը նշել է, որ խաղաղության պայմանագրով և մի շարք հոդվածներով, որոնք այսօր քննարկվել են, հնարավոր է եղել երկու կողմերի փոխըմբռնումը մոտեցնել ընդհանուր տեսլականին։
«Այժմ սկսվել է Հայաստանի և Ադրբեջանի արտգործնախարարների երկկողմ հանդիպումը, որից հետո նրանք մեզ կտեղեկացնեն, թե ինչի են հասել»,- եզրափակել է արտգործնախարարը։
Տաթև Ֆռանգյան
