14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Միրզոյանը՝ խաղաղության պայմանագրի նախագծի մի քանի հոդվածների շուրջ ձեռքբերված առաջընթացի մասին․ ՏԵՍԱՆՅՈՒԹ
Քաղաքականություն
19.05.2023 | 15:31
Երևանի և Բաքվի միջև փոխըմբռնում է ձեռք բերվել հաղորդակցությունների ապաշրջափակման և Ալմա-Աթայի հռչակագրի հիման վրա սահմանների սահմանազատման հետագա գործընթացի շուրջ․ այս մասին Մոսկվայում եռակողմ հանդիպման բացման արարողության ժամանակ հայտարարել է Հայաստանի արտգործնախարար Արարատ Միրզոյանը։ ՀՀ ԱԳՆ նախարարը նաև նշել է այն առաջընթացը, որը ձեռք է բերվել խաղաղության պայմանագրի նախագծի մի քանի հոդվածներով։
«Կուզենայի ընդգծել այն առաջընթացը, որն արդեն ձեռք է բերվել ենթադրյալ խաղաղության պայմանագրի մի քանի հոդվածներով։ Կուզենայի նաև նշել այն ըմբռնումը, որոնք շոշափվում են այլ հարցերով, ինչպիսիք են հաղորդակցությունների ապաշրջափակումը և Ալմա-Աթայի հռչակագրի հիման վրա սահմանների սահմանազատման հետագա գործընթացը»,- հայտարարել է Միրզոյանը՝ նշելով, որ այս առումով ինչպես հայկական, այնպես էլ մյուս կողմերը պետք է աշխատեն սահմանազատման գործընթացի չափանիշների հետագա կոնկրետացման ուղղությամբ։
Նա նաև ընդգծել է հետագա էսկալացիայի կանխարգելման և ուժի կիրառումից զերծ մնալու կարևորությունը, ինչի շուրջ երկու երկրների ղեկավարները պայմանավորվել են և համատեղ հայտարարություն արել։
«Հայաստանը հավատարիմ է մնում նոյեմբերի 9-ին մեր ղեկավարների բոլոր եռակողմ հայտարարություններին և բոլոր հետագա հայտարարություններին: Մենք հավատարիմ ենք կառուցողական աշխատանքին»,- եզրափակել է Միրզոյանը։
Մանրամասները՝ տեսանյութում։
Տաթև Ֆռանգյան
