20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Հորդորո՛ւմ եմ Աշոտ Փաշինյանին՝ հետ վերցնել հանցագործության մասին հաղորդումը․ դա մեծահոգի վերաբերմունք կլինի․ Ժաննա Ալեքսանյան. ՏԵՍԱՆՅՈՒԹ
Քաղաքականություն
18.05.2023 | 20:02
«Լրագրողներ հանուն մարդու իրավունքների» ՀԿ ղեկավար, իրավապաշտպան Ժաննա Ալեքսանյանը հորդորում է վարչապետ Նիկոլ Փաշինյանի որդուն՝ Աշոտ Փաշինյանին, որպեսզի նա իրավապահներից հետ վերցնի հանցագործության մասին հաղորդումը։
Այսօր Քննչական կոմիտեում քննվող գործի շրջանակում առերեսվելու են Աշոտ Փաշինյանը և 44-օրյա պատերազմում զոհված զինծառայողի մայրը՝ Գայանե Հակոբյանը, որը կասկածվում է Նիկոլ Փաշինյանի որդուն առևանգելու մեջ։ Ըստ իրավապաշտպանի՝ այս պատմության վերաբերյալ վերջնական տեսակետ կազմելու նպատակով անհրաժեշտ են մի շարք հարցերի պատասխաններ։
«Մեքենայում ի՞նչ է տեղի ունեցել, որ Աշոտ Փաշինյանը թռել է և վնասել ոտքը, հետո վթարի ենթարկվել, այսինքն՝ պետք է պարզել, թե ինչո՞ւ է Աշոտ Փաշինյանը դուրս նետվել մեքենայից, ի՞նչ է տեղի ունեցել։ Թող լսեր այդ կնոջը, ի՞նչ պիտի աներ իրեն։ Այդ ի՞նչ սպառնալիք է այդ կինն Աշոտ Փաշինյանին հասցրել, երբ վարում էր մեքենան․ թող գնար «Եռաբլուր», իջներ մեքենայից՝ շարունակեր խոսել։ Հորդորո՛ւմ եմ Աշոտ Փաշինյանին՝ հետ վերցնել հանցագործության մասին հաղորդումը․ սա մեծահոգի վերաբերմունք կլինի»,- ասաց իրավապաշտպանը։
Աշոտ Փաշինյանն իրավապահներին պատմել է, թե Վերաքննիչ դատարանի դիմացի հատվածով քայլել է դեպի Գարեգին Նժդեհի հրապարակ, դատարանի բակում կանգնած զոհված զինծառայողների ծնողները մոտեցել են իրեն, ձայն տվել, ոմանք նաև «որոշակի ռեպլիկներ են հնչեցնել»։ Կանանցից մեկն առաջարկել է նստել իր ավտոմեքենան, որպեսզի կարողանան հանգիստ զրուցել, և երբ ինքը նստել է մեքենան, կինն անսպասելի վարել է այն՝ ասելով, թե փոքր-ինչ հեռու կգնան, որպեսզի իրենց չխանգարեն, սակայն մի պահ կանգ առած մեքենայից Փաշինյանին հաջողվել է դուրս թռնել, որի հետևանքով նրան վրաերթի է ենթարկել հետևից ընթացող մեքենան:
Իսկ ահա «Որդիների կանչ» ՀԿ անդամները, ում ոստիկանությունը բերման էր ենթարկել, ասել են, թե իրենց զրպարտում են՝ առևանգման մեջ մեղադրելով, թե Աշոտ Փաշինյանն իր ոտքով է նստել մեքենան, և մեքենայի դուռը բացել-իջել է՝ փախել է, և հետևից եկող մեքենան արգելակել է, որ վրաերթի չենթարկի։
Հարցազրույցն ամբողջությամբ՝ տեսանյութում։
Ռոբերտ Անանյան
