16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Հրատապ է դառնում սահմանային զորքերի հայելային հետքաշումը․ Փաշինյան․ ՏԵՍԱՆՅՈՒԹ
Քաղաքականություն
18.05.2023 | 15:31
Ի հեճուկս բանակցություններում գրանցված որոշակի առաջընթացի, Ադրբեջանը շարունակում է էսկալացիոն քաղաքականություն վարել Հայաստանի հետ սահմանին։ Այս մասին այսօր կառավարության նիստում հայտարարեց վարչապետ Նիկոլ Փաշինյանը` արձանագրելով, որ վերջին օրերին ՀՀ սահմանին հնչել են կրակոցներ և կան զոհեր։
«Գլուխ խոնարհելով մեր ընկած եղբայրների առաջ` կրկին ուզում եմ ընդգծել, որ առավել ևս մայիսի 14-ի պայմանավորվածությունների ֆոնին ավելի հրատապ է դառնում սահմանային գծից զորքերի հայելային հետքաշումը և սահմանագծի ապառազմականացումը։ Եվ մենք այս օրակարգը շարունակելու ենք ընդգծել»,- ընդգծեց Փաշինյանը։
Վարչապետի խոսքով` Ադրբեջանի էսկալացիոն քաղաքականության ևս մեկ դրսևորում է Լաչինի միջանցքի ապօրինի արգելափակումը։
«Դա ևս մեկ անգամ ակներև է դարձնում ԼՂ–ում ու Լաչինի միջանցքում միջազգային ներկայության լեգիտիմ անհրաժեշտությունը»,- նշեց վարչապետը՝ վսատհեցնելով, որ այս թեման քննարկվում է բոլոր միջազգային գործընկերների հետ։
Մանրամասները՝ տեսանյութում։
