13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
ԱՄՆ Պետքարտուղարությունը՝ Ադրբեջանում քաղբանտարկյալների մասին
Քաղաքականություն
18.05.2023 | 15:57
ԱՄՆ Պետքարտուղության փոխխոսնակ Վեդանտ Պատելը ճեպազրույցում անդրադարձել է Ադրբեջանում քաղբանտրակյալների խնդրին։ Մասնավորապես, Պատելին հարցրել են ընդդիմադիր Ժողովրդական ճակատ կուսակցության անդամ, բանտարկված ու արդեն երեք ամիս հացադուլի մեջ գտնվող Ալիզամին Սալաևի մասին։
«Մենք տեղյակ ենք, որ պարոն Սալաևը հացադուլում է և մենք կշարունակենք ուշադիր հետևել նրա գործին։ Մենք վճռականորեն հավատարիմ ենք մարդու իրավունքների և հիմնարար ազատությունների նկատմամբ հարգանքի առաջխաղացմանը և կոչ ենք անում բոլոր իշխանություններին ձեռնարկել քայլեր, որոնք համահունչ են Ադրբեջանի պարտավորություններին իր սահմանադրությամբ և միջազգային համաձայնագրերով, երբ խոսքը վերաբերում է մարդու իրավունքներին»,-ասել է Պատելը։
Հավելեք, որ ավելի վաղ Բաքվում ԱՄՆ-ի դեսպանատունը կոչ էր արել Ադրբեջանի իշխանություններին ազատ արձակել Սալաևին ու բոլոր քաղբանտարկյալներին։
Ընդդիմությունը Սալաևի դեմ մեղադրանքները շինծու է համարում։ Երեկ՝ հացադուլի 100-րդ օրը, Սալաևը դատական նիստի ժամանակ ուշագնաց է եղել։ Հաջորդ դատական նիստը նշանակված է մայիսի 22-ին։
Էմմա Չոբանյան
