03.10.2026 | 17:56
Վարորդը ծխեց դպրոցական ավտոբուսում՝ կազատվի, սա կարմիր գիծ ա. Փաշինյան. ՏԵՍԱՆՅՈւԹ
Իրական լրագրություն՝ երեք ամսում․ Factor TV-ն սպասում է ուսանողների փորձաշրջանի հերթական խմբին
Հասարակություն
17.05.2023 | 21:23
Զգացեք իրական լրագրության շունչը՝ Factor TV-ի թիմի հետ եռամսյա աշխատանքի եզակի հնարավորության միջոցով։ Սիրով հրավիրում ենք հայաստանյան բուհերի ժուռնալիստիկայի երրորդ կամ չորրորդ կուրսի ուսանողներին՝ ինտենսիվ փորձաշրջանի։
Որպես ԵՄ կողմից ֆինանսավորվող «Եվրոպական Մեդիա ունակությունները Հայաստանում. կառուցելով կայուն և մասնագիտացված մեդիա» ծրագրի մի մաս՝ փորձաշրջանը ուսանողներին ընձեռնվող մասնագիտական զարգացման բացառիկ հնարավորություն է։
Փորձաշրջանի մասնակիցները կստանան գործնական հմտություններ՝ իրական ժամանակում տրվող և իրականացվող հանձնարարությունների միջոցով։ Factor TV-ի փորձառու անձնակազմի օգնությամբ նրանք հնարավորություն կունենան պատրաստել տեսանյութեր, աշխատել ուղիղ եթերում, վարել տաղավարային հարցազրույցներ, կատարել վիդեոմոնտաժ։
Մեդիադաշտի ամենափորձառու և հայտնի մասնագետները վարպետության դասերի շրջանակում կուսուցանեն ռեպորտաժ պատրաստելու հմտություններ, սթորիթելինգի նրբություններ, հարցազրույց վարելու տեխնիկա, բաց և փակ աղբյուրների հետ աշխատանք, թվերի լրագրություն, ֆակտչեքինգ, լրագրողական էթիկա, վիդեոմոնտաժի հիմունքներ, որոնք կօգնեն հարստացնել ուսանողների ինչպես գործնական, այնպես էլ տեսական գիտելիքները։
Փորձաշրջանի մրցույթին մասնակցելու համար հարկավոր է լրացնել հայտադիմումը հետևյալ հղմամբ։ Factor TV-ի՝ արդեն անցկացրած փորձաշրջաններին ծանոթանալու համար դիտեք տեսանյութերը՝ 2021 թվականի առաջին և երկրորդ խմբեր, 2022 թվականի երկու խմբերը միասին:
Դիմելու վերջնաժամկետը 2023 թվականի մայիսի 28-ն է։ Փորձաշրջանը սկսվելու է հունիսի 5-ին, տևողությունը՝ 3 ամիս։
Փորձաշրջանի ընթացքում BBC Media Action-ի կողմից կանցկացվեն ինտերակտիվ և հագեցած առցանց վարպետաց դասեր՝ BBC-ի փորձառու լրագրողների կողմից։
