Հասարակություն
17.05.2023 | 16:44
ՆԳՆ լրատվության վարչությունից հաստատում են, որ Նիկոլ Փաշինյանի որդու՝ Աշոտ Փաշինյանի ենթադրյալ առևանգման մասին հաղորդում է ստացվել։
«Ձեռնարկվում են համապատասխան միջոառումներ, կազմված փաստաթղթերը կուղարկվեն Քննչական կոմիտե» ,- Factor.am -ի հետ զրույցում հայտնեցին ՆԳՆ լրատվության վարչությունից։
Հիշեցնենք, որ Հայկական ժամանակը քիչ առաջ հայտնել է, որ Աշոտ Փաշինյանին փորձել են առևանգել: Առևանգման մասնակիցներն, ըստ թերթի, «Որդիների կանչ» ՀԿ անդամներն են, ովքեր ստիպել են Աշոտ Փաշինյանին նստել իրենց մեքենան, սակայն մի պահ կանգ առած ընթացող մեքենայից Աշոտ Փաշինյանին հաջողվել է դուրս թռչել, որի հետևանքով նրան վրաերթի է ենթարկել հետևից ընթացող մեքենան: Արդյունքում վնասվել է Աշոտ Փաշինյանի ոտքը, իսկ դեպքի վայրից «Որդիների կանչ» հասարակական կազմակերպության անդամները դիմել են փախուստի:
Factor.am-ի հետ զրույցում «Որդիների կանչ» ՀԿ-ի անդամ Գարիկ Գալեյանի կինը հայտարարեց, որ տարածված տեղեկությունը զրպարտություն է։
