15.09.2026 | 12:01
Թող քրեական գործ սկսվի․ դուք դատվելու եք սուտ մատնության համար․ ՔՊ-ականը՝ Մխիթարյանին․ ՏԵՍԱՆՅՈՒԹ
Պատգամավոր Մհեր Սահակյանի գործով դատական նիստը մեկնարկեց և հետաձգվեց
Հասարակություն
16.05.2023 | 11:33
Երևանի ընդհանուր իրավասության դատարանում` նախագահությամբ դատավոր Տիգրան Ոսկանյանի, այսօր նշանակված էր ԱԺ «Հայաստան» խմբակցության պատգամավոր Մհեր Սահակյանի գործի քննության մեկնարկը, որը, սակայն հետաձգվեց. Սահակյանի երկու պաշտպանները գրություններ էին ուղարկել դատարան այն մասին, որ նախապես նշանակված այլ նիստերով ծանրաբեռնված են և խնդրում են հետաձգել նախնական դատալսումները: Դատական հաջորդ նիստը նշանակվեց հունիսի 26-ին:
Հիշեցնենք, որ 2023 թվականի մարտի 31-ին Քննչական կոմիտեում նախաձեռնված վարույթի շրջանակներում ՀՀ Ազգային ժողովի ութերորդ գումարման պատգամավոր Մհեր Սահակյանի նկատմամբ հարուցվել էր հանրային քրեական հետապնդում ԱԺ-ում տեղի ունեցած միջադեպի առթիվ:
Ըստ մեղադրանքի` Մհեր Սահակյանն Ազգային ժողովի վարչական 2-րդ մասնաշենքի թիվ 314 քննարկումների դահլիճում 2023 թվականի մարտի 31-ին ՀՀ Ազգային ժողովի պետական-իրավական հարցերի մշտական հանձնաժողովի փակ աշխատանքային քննարկման ժամանակ կատարել է խուլիգանություն և խուլիգանական դրդումներով Հանձնաժողովի նախագահ Վլադիմիր Վարդանյանի առողջությանը պատճառել է թեթև վնաս (ՀՀ քրեական օրենսգրքի 297-րդ հոդվածի 1-ին մաս (խուլիգանությունը) և 171-րդ հոդվածի 2-րդ մասի 7-րդ կետ (խուլիգանական դրդումներով առողջությանը թեթև վնաս պատճառելը)): Սահակյանը հայտարարել է, որ դիմել է անհրաժեշտ պաշտպանության:
