ՀՀ տարածքից ադրբեջանական զորքերի դուրսբերման հարցը ներառված է պայմանագրում. փոխարտգործնախարար․ ՏԵՍԱՆՅՈՒԹ

Հայաստանի տարածքից ադրբեջանական զորքերի դուրսբերման հարցը բաժանված չէ ընդհանուր հարցից, այդ հարցը ներառված է թե՛ խաղաղության պայմանագրում, թե՛ այլ գործընթացներում, որոնք ընթանում են։ Այս մասին այսօր լրագրողերի հետ զրույցում ասաց ԱԳ նախարարի տեղակալ Պարույր Հովհաննիսյանը՝ անդրադառնալով հարցին, թե Հայաստանը պատրա՞ստ է պայմանագիր կնքել՝ առանց Ադրբեջանի զորքերը Հայաստանի տարածքից դուրս գալու։

Խաղաղության պայմանագիրը ներառում է դրույթներ թե՛ դելիմիտացիայի, թե՛ ճանապարհների հետ կապված։ Պարունակում է այն բոլոր սկզբունքները, ինչի հիման վրա պետք է ի վերջո խաղաղություն հաստատվի: Այս հարցը կտրված չէ ընդհանուր հարցից, ներառված է թե՛ պայմանագրում, թե՛ այլ գործընթացներում: Ամենակարևոր և զգայուն հարցերից է՝ ապահովել պայմանագրի իրականացումը»,- նշեց Հովհաննիսյանը:
«Մեր կարմիր գծերից մեկն այն է, որ երկաթուղին հաղորդակցությունների ապաշրջափակման շրջանակում պետք է գործի բացառապես Հայաստանի օրենսդրության շրջանակում։ Միայն այս հարցի վերաբերյալ հստակ երաշխիքներ ստանալուց հետո կարող ենք խոսել շինարարական և այլ աշխատանքների մասին»,- ընդգծել է փոխնախարարը։

Նա հիշեցրել է, որ Ռուսաստանի հետ համատեղ ստեղծվել է եռակողմ հանձնաժողով, և շուտով հանդիպում կկայանա Մոսկվայում, այս հարցը քննարկվում է և առանձին ձևաչափով;

«Բոլոր հարցերի շուրջ ջանքերը գործադրվում են զուգահեռաբար, դրանք միմյանցից առանձին բանակցություններ չեն։ Նպատակն այն է, որ մեր տարածաշրջանում ապահովվի խաղաղության գործընթացը»,- ընդգծել է Հովհաննիսյանը։

Մանրամասները՝ տեսանյութում։