Ապակուսակցականացվա՞ծ են բուհերը. Փաշինյանի խոստումն ու իրականությունը 5 տարի անց. ՏԵՍԱՆՅՈՒԹ

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Ընդդիմադիր պատգամավորի կարգավիճակում Նիկոլ Փաշինյանի՝ բոլոր բուհերն ապաքաղաքականացնելու մասին հայտարարությունից 5 տարի անց Երևանի պետական համալսարանի հոգաբարձուների խորհրդի նախագահը «Քաղաքացիական պայմանագիր» կուսակցության վարչության անդամ Սուրեն Պապիկյանն է,  Պոլիտեխնիկական համալսարանի հոգաբարձուների խորհրդի նախագահը՝ ՔՊ անդամ Տիգրան Ավինյանը, Տնտեսագիտական համալսարանում՝ իշխող ուժի կողմից առաջադրված և ընտրված երկրի նախագահ Վահագն Խաչատուրյանը, Խաչատուր Աբովյանի անվան մանկավարժական համալսարանում՝ Փաշինյանի կողմից նախարար նշանակված Ժաննա Անդրեասյանը։ Եվ եթե նախկինում իշխող թիմի ներկայությունը բուհերի կառավարման համակարգերում Նիկոլ Փաշինյանը խիստ քննադատում էր, ապա իր պաշտոնավարման ընթացքում թիմակիցների հայտնվելը բուհերում խնդրահարույց չի համարում։

Եվ մինչ Նիկոլ Փաշինյանը վստահեցնում էր, թե կուսակցական Սուրեն Պապիկյանը պետք է երաշխավորի բուհերի ապակուսակցականացումը, ԿԳՄՍ նախկին նախարար Վահրամ Դումանյանը վստահեցնում էր, որ Բարձրագույն կրթության մասին նոր օրենքի ընդունումից հետո բուհերի խորհուրդներում կուսակցականներ չեն լինի։ Մինչ օրս, սակայն,  խնդրահարույց օրենքը, որի որոշ դրույթներ Սահմանադրական դատարանը ճանաչել էր հակասահմանադրական, բուհերի ապակուսակցականացումը չի ապահովել։ Իսկ ԿԳՄՍ գործող նախարարը հարցին հստակ պատասխան չի տալիս։

Նախարար Ժաննա Անդրեասյանը չի կարծում, որ Նիկոլ Փաշինյանը թիմակիցներին բուհեր գործուղելով՝ նպատակ ունի վերահսկողության տակ պահել ուսանողներին և պրոֆեսորադասախոսական կազմը։ Նա փաստեր չունի նման պնդում անելու համար։ Իսկ առկա իրավիճակը, ըստ նախարարի, խնդրահարույց չէ․ բուհերում ՔՊ-ականները չեն չարաշահում կուսակցական պատկանելությունը։

Կրթության փորձագետ Սերոբ Խաչատրյանը որպես օրինակ նշում է վերջերս Բրյուսովի անվան պետական համալսարանի շուրջ ստեղծված իրավիճակը, երբ ընտրված ռեկտորին այդպես էլ չհաջողվեց ստանձնել բուհի ղեկավարի լիազորությունները։ Ընտրություններից շաբաթներ անց Գլխավոր դատախազությունը տեղեկացրեց՝  քրեական վարույթներ են հարուցվել ռեկտորի ընտրությունների ընթացքում կատարված խուլիգանության և հոգաբարձուների խորհրդի նիստի ընթացքում թույլ տրված կեղծիքների դեպքերի առթիվ։ Ռեկտորի նշանակման գործընթացը կասեցվեց։ Հենց այդ փուլում հրաժարական ներկայացրեցին բուհի հոգաբարձուների խորհրդի նախագահ, այն ժամանակ փոխվարչապետ Համբարձում Մաթևոսյանը և ոլորտը համակարգող նախարար Վահրամ Դումանյանը։

Ազգային ժողովի նախկին պատգամավոր Աննա Կոստանյանը, որը նաև ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի անդամ էր, վստահ է, որ բուհերում թիմակիցների նշանակումներով գործող իշխանությունները ցանկանում են իրենց ապահովագրել։ Իշխանական պատգամավոր Նարեկ Բաբայանը հակադարձում է՝ կուսակցական պաշտոնյաները բուհերում որևէ հակաօրինական գործողություն չեն իրականացնում։

Աննա Կոստանյանը, մինչդեռ, հիշեցնում է՝ նախկին իշխանության ներկայացուցիչներն էլ գրեթե նույն կերպ էին հիմնավորում իրենց ներկայացվածությունը բուհերում։

Սերոբ Խաչատրյանը, որը նաև դասավանդում է Երևանի պետական համալսարանում, ասում է՝ նորմալ է, որ դասախոսը կարող է քաղաքական հայացքներ ունենալ և դրանք արտահայտել։

Եվ չնայած հեղափոխության օրերին հնչեցրած խոստումներին՝ իշխանությունն առաջիկայում մտադիր չէ օրենսդրական որևէ փոփոխությամբ արգելել բուհերի խորհուրդներում կուսակցականների ներգրավվածությունը։

Մանրամասները՝ տեսանյութում։

Միքայել Սարգսյան

 

This publication was produced with the financial support of the European Union. Its contents are the sole responsibility of Factor TV and do not necessarily reflect the views of the European Union.

Այս հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում Factor TV-ին, և պարտադիր չէ, որ այն արտահայտի Եվրոպական միության տեսակետները:

@Factor TV 2023. All rights reserved. Licensed to the European Union under conditions.

Պատրաստվել է «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցումը» ծրագրի շրջանակում: