«Նա ծառայում է հայերին, նրա ընտրվելն աղետ կլինի Թուրքիայի համար»․ Ադրբեջանի Մեջլիսի պատգամավորները շարունակում են Քըլըչդարօղլուի դեմ արշավը

Լուրեր

28.03.2024 | 23:16
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
28.03.2024 | 23:01
Դեսպան Գալստյանն ու Ռումինիայի ԱԳՆ պետքարտուղարը կարևորել են միջգերատեսչական համագործակցության ակտիվացումը
28.03.2024 | 22:47
Որոշում եմ կայացրել այս պահին չհավակնել ԲԴԽ դատավոր անդամի թափուր տեղին. Վազգեն Ռշտունի
28.03.2024 | 22:39
Պապիկյանը մասնակցել է օպերատիվ հավաքների շրջանակում ռազմական տեխնիկայի ցուցադրությանը
28.03.2024 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
28.03.2024 | 21:44
Ո՞րն է Կոռուպցիայի կանխարգելման հանձնաժողովի «աքիլլեսյան գարշապարը». ԹԻՀԿ զեկույցը. ՏԵՍԱՆՅՈՒԹ
28.03.2024 | 21:38
Քաղաքական խորհրդակցություններ՝ Հայաստանի և Կորեայի ԱԳՆ-ների միջև
28.03.2024 | 21:35
ՌԴ-ում «Կրոկուս»-ի ահաբեկչության գործով չորս մեղադրյալների ահաբեկիչների և ծայրահեղականների ցանկում են ներառել
28.03.2024 | 21:22
Լոնդոնի ընկերության հետ քննարկվել են Երևանի նոր գլխավոր հատակագծի մշակմանն առնչվող հարցեր
28.03.2024 | 21:07
Թուրքիայի քրդերի ձայնը կարող է որոշիչ լինել Ստամբուլի քաղաքապետի ընտրություններում՝ տապալելու Էրդողանի կուսակցության թեկնածուին․ անդրադարձ
28.03.2024 | 20:46
Իսրայելի պաշտպանության բանակը հայտնել է, որ ՀԱՄԱՍ-ի ավելի քան 200 զինյալ է սպանվել Շիֆայի հիվանդանոցում
28.03.2024 | 20:34
Երևանում ծառի ճյուղը թեքվել և ընկել է էլեկտրական լարերի վրա
28.03.2024 | 20:15
Լավրովը հայտարարել է, թե ԵՄ առաքելությունը Հայաստանում վերածվում է ՆԱՏՕ-ի առաքելության
28.03.2024 | 20:00
ԱՄՆ-ն և ԵՄ-ն կասեն Փաշինյանին՝ վե՛րջ տուր խաղերիդ, ասա՝ ո՞ւմ հետ ես, ՌԴ-Արևմուտք պատերազմ է․ Արա Պապյան․ ՏԵՍԱՆՅՈՒԹ
28.03.2024 | 19:44
Տուգանքի 50 տոկոսը վճարելու դեպքում պարտավորությունը կհամարվի կատարված. ՆԳՆ
Բոլորը

Ադրբեջանի պետական շրջանակներն ու քարոզչական լրատվամիջոցները շարունակում են Թուրքիայի նախագահական ընտրություններում Ռեջեփ Թայիփ Էրդողանի գլխավոր մրցակից, ընդդիմության միասնական թեկնածու Քեմալ Քըլըչդարօղլուի դեմ արշավը, որը սկսվել է դեռ նախընտրական քարոզարշավի մեկնարկի պահից։

Մասնավորապես, Ադրբեջանի Մեջլիսի պատգամավորները շարունակում են բողոքել Քըլըչդարօղլուի ներկայացրած «թուրքական ճանապարհի» դեմ, որը շրջանցում է Ադրբեջանը։ Պատգամավոր Ֆազայիլ Աղամլին ադրբեջանական լրատվամիջոցներից մեկի հետ զրույցում հայտարարել է, որ բացահայտվել է «նրա տհաճ վերաբերմունքն Ադրբեջանի նկատմամբ»։

«Ամբողջ աշխարհն արժևորում է «Մեկ գոտի, մեկ ճանապարհ» նախագիծը, որը կապում է Արևելքն ու Արևմուտքը, Եվրոպան և Ասիան, անցնելով Զանգեզուրով և գնալով Եվրոպա Թուրքիայի տարածքով։ Նրանք արժևորում են նման երթուղին՝ Չինաստանից եվրոպական երկրներ։ Ռեջեփ Թայիփ Էրդողանը, ում մենք շատ ենք գնահատում, միշտ իր դրական կարծիքն է արտահայտել՝ բարձր գնահատելով այս նախագիծը։ Քըլըչդարօղլուն իր հայտարարության մեջ նշել է, որ «Մետաքսի նոր ճանապարհն» անցնելու է թուրքական նահանգներով և Իրանի տարածքով հասնելու է Եվրոպա, սա աննորմալ հայտարարություն է։ Սա նաև Ադրբեջանի նկատմամբ Քըլըչդարօղլուի բացասական վերաբերմունքի հստակ արտահայտությունն է»,- հայտարարել է Աղամլին։

Նա նշել է, որ, իբր, ադրբեջանական ժողովրդի հանդեպ սերն ու համակրանքը, հատկապես՝ Էրդողանի կողմից, Քըլըչդարօղլուի մոտ «խանդ են առաջացրել»։

«Ադրբեջանը շրջանցող նման կարծիք հնչեցնելը ցույց է տալիս, որ դա ծառայում է հայերի շահերին։ Եզրակացությունն այն է, որ նա հայերի հետ է։ Նման անձի նախագահ ընտրելը մեծ աղետ կլիներ Թուրքիայի և տարածաշրջանի համար։ Այնուամենայնիվ, վստահ եմ, որ թուրք ժողովուրդը ցույց կտա իր իմաստությունը։ Էրդողանի հաղթանակից հետո պարոն նախագահի տարածված կարծիքը Փաշինյանի մասին՝ «Նոլդու (ինչ եղավ՝) Փաշինյան», հիմա կասենք «Նոլդու, Քըլըչդարօղլու»։ Մենք կասենք, որ դուք Իրանից նոր ճանապարհ էիք կառուցում՝ շրջանցելով Ադրբեջանը»,- ասել է ադրբեջանցի պատգամավորը։

Մեկ այլ պատգամավոր՝ Էլնուր Ալլահվերդիևն էլ հայտարարել է, թե կան ուժեր, որոնք փորձում են խեղաթյուրել ադրբեջանա-թուրքական հարաբերությունները։

«Այս օրերին Թուրքիայում ընդդիմադիր թեկնածուն ասել է, որ Ադրբեջանը բարձր հարկ է գանձում Թուրքիայից եկող բեռնատարների համար, բայց, միևնույն ժամանակ, այդ հարկը չի պահանջվում որևէ այլ երկրի բեռնատարների համար։ Իհարկե, սա ճիշտ տեղեկություն չէ։ Նրա առաջարկած «Մետաքսի ճանապարհի» հիմնական հատվածն անցնում է Իրանի տարածքով, որը բացահայտ օգնում է մեր թշնամի Հայաստանին»,- ասել է Ալլահվերդիևը։

Հիշեցնենք, որ Քեմալ Քըլըչդարօղլուն սոցցանցերի իր էջերում տեսանյութ էր հրապարակել՝ «Ո՛չ արևմուտք, ո՛չ արևելք, սա թուրքական ճանապարհն է» վերնագրով։ Նա նշել էր, որ պատմական մետաքսի ճանապարհը վերաբացվելու է, և հայտարարել, որ այն կդառնա Ասիայի և Եվրոպայի միջև կարևորագույն առևտրային ուղիներից մեկը՝ 5,500 կմ երկարությամբ երկաթուղային կապով։

«Այս նախագիծը դեպի ծով ելք չունեցող Թուրքմենստանը, Ուզբեկստանը և Ղազախստանը կմիացնի թուրքական նավահանգիստներին։ Թուրքիան կդառնա թյուրքական աշխարհի ծովային դարպասը»,- ասել էր Քըլըչդարօղլուն։

Այս նախագիծն էլ առաջացրել է Բաքվի զայրույթը, քանի որ դրանում Ադրբեջանը ներառված չէ։ Սա է՛լ ավելի է բորբոքել Ադրբեջանի իշխանությունների կողմից Թուրքիայի ընդդիմության դեմ իրականացվող արշավը։ Սրան  միացել է նաև անձամբ Ադրբեջանի նախագահ Իլհամ Ալիևը, որն ապրիլի 29-ին մեկնել էր Անկարա և հայտնել ընտրություններում Էրդողանին իր աջակցության մասին։ Սրա հետևանքով թուրքական հասարակությունում առկա է դժգոհություն, որ պաշտոնական Բաքուն խառնվում է Թուրքիայի ներքին գործերին։

Բացի այդ, Ալիևն օրերս արձագանքել էր նաև Քըլըչդարօղլուի նախագծին՝ նշելով, որ «կան մարդիկ, որոնք փորձում են Ադրբեջանը դուրս թողնել այդ ռազմավարական նախագծից, սակայն դրան վիճակված չէ իրականություն դառնալ»։

Էմմա Չոբանյան