06.06.2026 | 18:07
19-ամյա Միրա Անդրեևան` «Ռոլան Գարոսի» հաղթող
Կոչ ենք անում Հայաստանին ու Ադրբեջանին սահմանի երկայնքով զորքերը հեռացնել․ ԱՄՆ Պետքարտուղարություն
Քաղաքականություն
12.05.2023 | 11:21
ԱՄՆ Պետքարտուղարության փոխխոսնակ Վեդանտ Պատելը ճեպազրույցում անդրադարձել է նախօրեին Սոթքի ուղղությամբ ադրբեջանական կողմի հերթական ագրեսիային։
«Այս տեսակի բռնությունը, կարծում ենք, որ խաթարում է Հայաստանի և Ադրբեջանի առաջընթացը դեպի կայուն և արժանապատիվ խաղաղություն։ Երկու երկրների առաջնորդներին կոչ ենք անում երբ հավաքվեն Բրյուսելում մայիսի 14-ին, համաձայնեն իրենց ուժերը հեռացնել սահմանի երկայնքով, ինչպես քննարկվել է պետքարտուղար Էնթոնի Բլինքենի կողմից Վաշինգտոնում մեր կողմից հյուրընկալված բանակցությունների ընթացքում»,-ասել է Պատելը։
Պատասխանելով հարցին, որ ՌԴ ԱԳՆ պաշտոնական ներկայացուցիչը կասկածի տակ էր դրել պետքարտուղարի լավատեսությունը Վաշինգտոնի բանակցությունների վերաբերյալ, Պատելն ասել է, որ շատ ժամանակ չի ծախսում մտածելու այն մասին, թե ինչ է ասում ռուս գործընկերն իր ամբիոնից:
«Այն, ինչ ես կարող եմ ասել, այն է, որ, քանի որ դա վերաբերում է Հայաստանի և Ադրբեջանի միջև խաղաղության այս շատ կարևոր խնդրին, մի բան է, որով այս գերատեսչությունը կշարունակի խորապես ներգրավված մնալ: Մենք հավատում ենք, որ կա հստակ ճանապարհ դեպի առաջ։ Մենք ուրախ էինք այդ երկու երկրներին հյուրընկալել մայիսի սկզբին»,-ասել է Պետդեպի փոխխոսնակը՝ նշելով, որ կարծում են, թե այդ բանակցություններն արդյունավետ էին և հիմք են դրել Բրյուսելում բանակցությունների շարունակության համար։
