24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Միջազգային իրավապաշտպան կազմակերպությունները զգուշացնում են՝ Թուրքիայի իշխանությունների կողմից համացանցի վերահսկողությունը սպառնում է ընտրություններին
Քաղաքականություն
11.05.2023 | 22:28
Միջազգային իրավապաշտպան երկու հայտնի կազմակերպություններ կոչ են արել Թուրքիայի կառավարությանը դադարեցնել առցանց գրաքննությունը՝ միաժամանակ հորդորելով տեխնոլոգիական ընկերություններին առաջնահերթություն տալ իրավունքներին, քանի որ կիրակի Թուրքիայում կարևոր նախագահական և խորհրդարանական ընտրություններ են անցկացվելու, գրում է Turkish Minute-ը։
«Թուրքիայի կառավարությունը պետք է դադարեցնի քաղաքացիական հասարակության նկատմամբ ճնշումները և ապահովի խոսքի ազատության և անձնական կյանքի իրավունքը, հատկապես՝ ընտրություններից առաջ և դրանց ընթացքում»,- նշել են ARTICLE-19 և Human Rights Watch (HRW) կազմակերպությունները։
Իրավապաշտպան կազմակերպությունների զեկույցում ասվում է, որ նախագահ Ռեջեփ Թայիփ Էրդողանի կառավարությունը զգալի վերահսկողություն է իրականացնելու թվային էկոհամակարգի վրա՝ փորձելով խաթարել ընտրությունների արդյունքները։ Իրավապաշտպան խմբերի փաստաթուղթն ուրվագծում է, թե ինչպես է կառավարությունը, որն առցանց այլակարծությունը լռեցնելու պատմություն ունի, կուտակել է թվային գրաքննության գործիքների հսկայական զինանոց։
«Թուրքիայի կառավարությունն այս ընտրություններից առաջ ուժեղացրել է ջանքերը՝ սոցցանցերի և անկախ առցանց լրատվական կայքերի նկատմամբ գրաքննություն կիրառելու և վերահսկողությունը խստացնելու համար»,- ասել է HRW-ի ավագ տեխնոլոգիական հետազոտող Դեբորա Բրաունը։
ARTICLE-19-ը և HRW-ն ասում են, որ թուրքական կառավարությունը պետք է ձեռնպահ մնա սոցիալական մեդիայի հարթակներին սպառնալուց կամ ճնշելուց՝ ընտրությունների ժամանակ հակադիր տեսակետների տարածումը կանխելու համար:
Թուրքիայում համապետական ընտրությունները տեղի կունենան մայիսի 14-ին։
Էմմա Չոբանյան
