15.07.2026 | 12:45
ԵՄ-ն պետք է աջակցի Ռուբեն Վարդանյանի կնոջ՝ Բաքու մեկնելու նախաձեռնությունը․ Ջոել Վելդկամպ
Մանրամասներ՝ Սոթքի իրավիճակի շուրջ․ ԱՄՆ Սենատի հանձնաժողովը՝ Բաքվի դեմ պատժամիջոցների մասին․ Լուրեր
Քաղաքականություն
11.05.2023 | 15:49
- Ժամը 11:00-13:00-ն ընկած ժամանակահատվածում Ադրբեջանի ԶՈՒ ստորաբաժանումները Սոթքի հատվածում որոշակի պարբերականությամբ խախտել են հրադադարի ռեժիմը։ Իսկ ժամը 13:00-14:00-ն ընկած ժամանակահատվածում հրադադարի էական խախտումներ չեն արձանագրվել: Ժամը 14:00-ի դրությամբ իրադրությունն առաջնագծում հարաբերականորեն կայուն է եղել։ Տեղեկացնում են ՀՀ ՊՆ-ից։ Ժամը 13:00-ի դրությամբ իրադրությունն առաջնագծում հարաբերականորեն կայուն է եղել։
- Առողջապահության նախարարությունը հայտնել է, որ այսօր առավոտյան Ադրբեջանի զինված ուժերը կրակ են բացել վիրավորում ստացած զինծառայողին տեղափոխող շտապօգնության մեքենայի ուղղությամբ։ Նախարարությունը նշում է, որ Նման դրսևորումները դեմ են բոլոր միջազգային հումանիտար օրենքներին, անգամ պատերազմի օրենքներին, և պետք է խստագույնս դատապարտվեն։
- ԱՄՆ Սենատի արտաքին հարաբերությունների հանձնաժողովն անդրադարձել է Ադրբեջանի իշխանությունների կողմից շարունակվող Արցախի շրջափակմանն ու ստեղծված հումանիտար իրավիճակին։ Հայտարարության մեջ նշվում է, որ սեղանին պետք է լինեն Ադրբեջանի բարձաստիճան պաշտոնյաների նկատմամբ պատժամիջոցները։
Այս ժամի լուրերը՝ տեսանյութում։
