18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Վաղարշապատում ու Կապանում գնաճն ամենաբարձրն է եղել․ ո՞ր ապրանքներն են թանկացել․ ՏԵՍԱՆՅՈՒԹ
Տնտեսություն
11.05.2023 | 12:28
2023 թվականի ապրիլին, նախորդ տարվա ապրիլի համեմատ, սննդամթերքն ու ոչ ալկոհոլային խմիչքը թանկացել են 1.2%-ով, իսկ 2023 թվականի մարտի համեմատ, այսինքն՝ 1 ամսում՝ 0.2%-ով: Այս մասին տեղեկանում ենք Վիճակագրական կոմիտեի հրապարակած նախնական տվյալներից։
Մարտին սննդամթերքի և ոչ ալկոհոլային խմիչքների 12-ամսյա գնաճը կազմել է 5,1%, փետրվարին՝ 9,8%, հունվարին՝ 9,4%: Ապրիլին արդեն գնաճը նվազել է՝ հասնելով 1,2%-ի։ Այսպիսով՝ կարող ենք փաստել, որ գնաճի տեմպը թուլանում է։
Հանրապետության դիտարկվող բոլոր քաղաքներում 2023 թվականի ապրիլին, մարտի համեմատ, սննդամթերքի և ոչ ալկոհոլային խմիչքի գներն աճել են 0.1-0.6%-ով (գնաճի ամենաբարձր ցուցանիշներն արձանագրվել են Վաղարշապատ և Կապան քաղաքներում): Մայրաքաղաքում սննդամթերքի և ոչ ալկոհոլային
խմիչքի գներն աճել են 0.1%-ով։
Թանկացել են հետևյալ ապրանքները՝
- Հացաբուլկեղեն և ձավարեղեն՝5%-ով
- Միս՝ 6,3%-ով
- Կաթնամթերք, պանիր և ձու՝ 4,6%-ով
- Միրգ՝ 6,6%-ով
- Շաքար՝ 2,2%-ով
- Սուրճ, կակաո, թեյ՝ 3,4%-ով
- Ջուր, հանքային կամ աղբյուրի՝ 7%-ով
- Օղի՝ 8,9%-ով
- Գինի՝ 2,6%-ով
- Գարեջուր՝ 3,2%-ով
- Ծխախոտ՝ 9,4%-ով
Գնանկում է նկատվել հետևյալ ապրանքախմբերում՝
- Ձուկ և ծովամթերք՝ 1,1%-ով
- Յուղեր և ճարպեր՝ 12,1%-ով
- Բանջարեղեն՝ 8,4%-ով
Մարտի համեմատ՝ ապրիլին էժանացել են հացաբուլկեղենն ու ձավարեղենը՝ 2,8%-ով, օղին՝ 0,2%-ով, ծխախոտը՝ 1,2%-ով։
Մանրամասները՝ տեսանյութում։
Անժելա Պողոսյան
