03.04.2026 | 23:13
NASA-ն հրապարակել է Երկրի նոր լուսանկարը
Մոսկվայում նախատեսվում է Միրզոյան-Բայրամով հանդիպում․ հայտնի է բանակցությունների օրը
Քաղաքականություն
10.05.2023 | 15:52
Մայիսի 19-ին Մոսկվայում նախատեսվում է Հայաստանի և Ադրբեջանի ԱԳ նախարարների մակարդակով հանդիպում: Տեղեկությունը Factor.am-ի հետ զրույցում հայտնեց ՀՀ Արտաքին գործերի նախարարության մամուլի խոսնակ Անի Բադալյանը։
Հիշեցնենք, որ Հայաստանի ու Ադրբեջանի արտաքին գործերի նախարարների վերջին հանդիպումը Վաշինգտոնում էր։ Հանդիպումից հետո ամերիկյան կողմը հայտարարեց, որ Հայաստանի և Ադրբեջանի պատվիրակությունները զգալի առաջընթաց են գրանցել բարդ խնդիրների լուծման գործում՝ առանց հստակեցնելու, թե կոնկրետ ինչ հարցերի մասին է խոսքը։ Մինչդեռ Երևանն ու Բաքուն նույնատիպ հաղորդագրություններով ընդգծել էին, որ առանցքային հարցերում տարաձայնությունները պահպանվել են։
Առաջիկա կիրակի օրը՝ մայիսի 14-ին, Բրյուսելում նախատեսվում է Փաշինյան-Ալիև-Միշել հանդիպումը, այսինքն՝ Արարատ Միրզոյանն ու Ջեյհուն Բայրամովը կհանդիպեն երկրների ղեկավարների բանակցություններից 5 օր անց։
Նարեկ Կիրակոսյան
