05.08.2026 | 19:00
Ծովագյուղում ապօրինի պահվող գայլերը տեղափոխվել են Երևանի կենդանաբանական այգի․ քաղաքացին տուգանվել է
Այսօր Շուշին չկա, բայց էլի կլինի․ գորգերի ցուցադրություն՝ Երևանի կենտրոնում․ ՏԵՍԱՆՅՈՒԹ
09.05.2023 | 19:41
Երևանի Շառլ Ազնավուրի հրապարակում այսօր ցուցադրվեցին Շուշիի թանգարանից Հայաստան բերված գորրգերը։ Նախաձեռնությունը ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանինն ու Շուշիի գորգերի թանգարանի հիմնադիր Վարդան Ասծատրյանինն էր։
«Այսօր ցուցադրվում են Շուշիի գորգերի թանգարանի և Արցախ կարպետի գորգերի նմուշները։ Այսօր մայիսի 9-ն է, և ցանկացա, որ Շուշիի մթնոլորտը տեղափոխվի Երևանի կենտրոն, որպեսզի մարդիկ չմոռանան, որ Շուշին դժբախտ ու դժգույն չէր»,- ասաց Թովմասյանը։
Շուշիի գորգերի թանգարանի հիմնադիր Վարդան Ասծատրյանի խոսքով՝ փրկված գորգերը դեռ հանգրվան չունեն։ Նա վերջերս հանդիպել է ԿԳՄՍ նախարար Ժաննա Անդրեասյանի հետ, բայց գորգերի համար տարածք հատկացնելու վերաբերյալ հստակ պատասխան չի ստացել՝ սպասում է։
«Սպասում եմ իրենց որոշմանը, գորգերը Վանաձորում են պահվում։ Բոլորս պիտի հասկանանք, որ գորգերը հայ ժողովրդի պատմամշակութային ժառանգությունն են, ապացուցողական բազան, և անհարմար է, որ հարցը պատերազմից 2,5 տարի անց լուծում չի ստացել»,- նշեց Ասծատրյանը։
Ըստ Շուշիի նախկին բնակիչ Գոռ Ավագյանի՝ Շուշին չկա, բայց պահպանված գորգերը սփոփանք են։ Վստահ է, որ Շուշին կրկին հայկական է լինելու և մայիսյան եռատոնը կրկին մեծ շուքով կնշվի այնտեղ։
Մանրամասները՝ տեսանյութում։
Արփի Հակոբյան
