Այսօր ժամը 14։00-ի սահմաններում NIssan մակնիշի մարդատար մեքենան վթարվել է և մխրճվել «Հայբիզնեսբանկ»-ի սպասասրահ։ Դեպքը տեղի է ունեցել բանկի «Կիևյան» մասնաճյուղում։
Factor TV-ի նկարահանող խումբը դեպքի վայրում էր, երբ ոստիկանները, որոնց միացել էին նաև անցորդներ, փորձում էին բանկի մասնաճյուղի սպասասրահից հանել մեքենան։ Ոստիկանության աշխատակիցը չցանկացավ դեպքից մանրամասներ փոխանցել, միայն տեղեկացրեց, որ վայրի զննությունն ավարտվել է, փորձում են մեքենան հանել տարածքից։
Ավելի վաղ հայտնել էինք, որ կին վարորդը, ինչպես նաև վթարի տարածքում գտնվող մեկ այլ անձ վնասվածքներ են ստացել և դիմել բուժօգնության։
Մանրամասները՝ տեսանյութում։
Անի Թամրազյան
