06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
2022-ին 5 ադրբեջանցի է եկել Հայաստան որպես զբոսաշրջիկ․ ՏԵՍԱՆՅՈՒԹ
Տնտեսություն
09.05.2023 | 19:15
2022 թվականին Հայաստան այցելած զբոսաշրջիկների թիվը նախորդ տարվա համեմատ գրեթե կրկնապատկվել է՝ կազմելով շուրջ 1 մլն 665 հազար։
Հայաստան եկած զբոսաշրջիկների 47%-ը ՌԴ քաղաքացիներ են, 15,4%-ը՝ Հայաստանի, 10,5%-ը՝ Վրաստանի, 7%-ը Իրանի, 3%-ը՝ ԱՄՆ-ի։
Ուշագրավ է, որ Հայաստան եկած զբոսաշրջիկների թվում, ըստ Վիճակագրական կոմիտեի տվյալների, 5 ադրբեջանցի կա։ Նրանցից 3-ը Հայաստան են եկել տարվա առաջին եռամսյակում։ Իսկ 2023-ի առաջին եռամսյակում Հայաստան եկած ադրբեջանցիներ չկան։ 2021 թվականի ողջ ընթացքում Հայաստան ոչ մի ադրբեջանցի չի եկել որպես զբոսաշրջիկ։
Նշենք, որ Հայաստանում պաշտոնապես չկա որևէ կարգավորում Ադրբեջանի քաղաքացիների մուտքի արգելքի վերաբերյալ։
Հայաստան եկած զբոսաշրջիկներից 162-ն անհայտ երկրի քաղաքացիներ են, այսինքն՝ մարդիկ, ովքեր չունեն որևէ երկրի քաղաքացիություն։
Ադրբեջանցիները Հայաստանում մնացել են միջինը 3 օր, իսկ անհայտ երկրից եկածները՝ միջինը 13 օր։
Մանրամասները՝ տեսանյութում։
Անժելա Պողոսյան
