25.04.2026 | 20:19
ՃՏՊ Չարենցավան քաղաքի Չարենցի փողոցում․ կան տուժածներ
ԵԽ-ն պաշտոնապես հաստատել է․ կիրակի օրը Բրյուսելում կկայանա Փաշինյան-Միշել-Ալիև հանդիպում
Քաղաքականություն
09.05.2023 | 11:21
Բրյուսելը պաշտոնապես ազդարարել է Հայաստանի ու Ադրբեջանի ղեկավարներ Նիկոլ Փաշինյանի ու Իլհամ Ալիևի՝ մայիսի 14-ին սպասվող հանդիպման մասին։ Եվրոպական խորհրդի տարածած հաղորդագրության մեջ ասվում է, որ նախագահ Շառլ Միշելը շարունակել է սերտ կապի մեջ լինել Հայաստանի և Ադրբեջանի ղեկավարների հետ՝ Հարավային Կովկասում կայունությունը խթանելու և երկու երկրների միջև հարաբերությունների կարգավորմանն ուղղված ԵՄ ջանքերն առաջ մղելու համար։
«Առաջնորդները պայմանավորվել են կրկին հանդիպել 2023 թվականի մայիսի 14-ին Բրյուսելի եռակող ձևաչափով։ Նրանց հանդիպումները ուղեկցվելու են նաև Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հետ համատեղ հանդիպումով 2023 թվականի հունիսի 1-ին Քիշնևում կայանալիք Եվրոպական քաղաքական համայնքի գագաթնաժողովի շրջանակում»,-ասվում է հաղորդագրության մեջ։ Նաև նշվում է, որ առաջնորդները համաձայնել են շարունակել Բրյուսելում եռակողմ հանդիպումները այնքան, որքան անհրաժեշտ է՝ տեղում ընթացող զարգացումներին և հանդիպումների օրակարգային հարցերին անդրադառնալու համար:
Ընդգվծում է նաև,որ Շառլ Միշելը մտադիր է հրավիրել Հայաստանի, Ադրբեջանի, Ֆրասիայի ու Գերմանիայի ղեկավարներին երկրորդ հանդիպմանը հաջորդ Եվրոպական քաղաքական համայնքի գագաթնաժողովին՝ 2023 թ-ի հոկտեմբերին Գրանադայում։
Էմմա Չոբանյան
