16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Փաշինյանը Պուտինի հրավերով Մոսկվա է մեկնում. Բայրամովը բողոքել է բանակցությունների տեմպից. Լուրեր
Քաղաքականություն
08.05.2023 | 16:22
- ՀՀ վարչապետ Նիկոլ Փաշինյանը ՌԴ նախագահ Վլադիմիր Պուտինի հրավերով այսօր աշխատանքային այցով կմեկնի Մոսկվա։ Վարչապետը ներկա կգտնվի մայիսի 9-ին անցկացվելիք՝ Հայրենական մեծ պատերազմում հաղթանակին նվիրված միջոցառումներին:
- Ադրբեջանի ԱԳ նախարար Ջեյհուն Բայրամովը Լիտվայի ԱԳ նախարար Գաբրիելյուս Լանդսբերգիսի հետ համատեղ ասուլիսին բողոքել է, թե Հայաստանի հետ բանակցությունները չեն արդարացրել Ադրբեջանի սպասելիքները։ Բայրամովը նշել է, որ չնայած «երկկողմ շփումներում որոշակի դինամիկային, խաղաղության պայմանագրի շուրջ տարբեր ուղղություններով ձեռք բերված առաջընթացին, որը սահմանում է երկկողմ հարաբերությունների հիմքերը, պետական սահմանների սահմանազատումը և տրանսպորտային և հաղորդակցության կապերի վերականգնումը, Բաքվի սպասելիքները դեռևս չեն արդարացել»։
- Եվրահանձնաժողովն առաջին անգամ պատժամիջոցների ցանկում ներառել է Չինաստանից 7 ընկերությունների, որոնք Ռուսաստանին սարքավորումներ են մատակարարում, որոնք կարող են օգտագործվել ռազմական նպատակներով։ Երկուշաբթի օրը՝ հայտնում է Financial Times-ը: Ըստ պարբերականի՝ ցուցակը ԵՄ անդամ երկրները կդիտարկեն առաջիկա օրերին։
Այս ժամի լուրերը՝ տեսանյութում։
