16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Փաշինյան-Ալիև 2 հանդիպում կլինի․ Ավինյանը՝ «Գազելները» գծերից հանելու մասին․ Լուրեր
Քաղաքականություն
08.05.2023 | 13:20
- Հայաստանի և Ադրբեջանի ղեկավարները Բրյուսելում այս շաբաթվա վերջին կվերսկսեն բանակցությունները։ Այս մասին Financial Times-ին անանունությամբ հայտնել են երեք պաշտոնյաներ։ Ըստ պարբերականի՝ Եվրոպական խորհրդի նախագահ Շառլ Միշելը կիրակի օրը կհյուրընկալի Հայաստանի վարչապետ Նիկոլ Փաշինյանին և Ադրբեջանի ղեկավար Իլհամ Ալիևին։ Հունիսի 1-ին էլ Քիշնևում կայանալիք Եվրոպական Քաղաքական Համայնքի գագաթնաժողովի շրջանակում Փաշինյանը, Ալիևը և Միշելը կարող են հանդիպել Գերմանիայի կանցլեր Օլաֆ Շոլցի և Ֆրանսիայի նախագահ Էմանուել Մակրոնի հետ:
- Վարչապետ Նիկոլ Փաշինյանի որոշմամբ՝ Միջազգային բեռնափոխադրումների մուլտիմոդալ արագընթաց երթուղու գործարկման և իրանական Չաբահար նավահանգստում օպերատոր դառնալու հարցերը քննարկելու նպատակով ստեղծվել է միջգերատեսչական աշխատանքային խումբ։
- Երևանի քաղաքապետարանում նիստի ժամանակ փոխքաղաքապետ Տիգրան Ավինյանը հայտարարել է, որ ասֆալտի բացակայության պատճառով չպետք է խնդիրներ լինեն, պետք է փոսերը քանդվեն և միանգամից դրանից հետո փոսալցվեն՝ նույն օրը։ Ավինյանը նաև նշել է, որ «Գազել» մակնիշի միկրոավտոբուսների դուրս բերումը մնացած երթուղիներից ամենատրամաբանական առաջարկն է: Երևանի քաղաքապետարանի տրանսպորտի վարչության պետի ժամանակավոր պաշտոնակատար Վազգեն Հարությունյանն էլ նշել է, որ ծրագրի իրականացման արդյունքում կբացառվեն կրկնող գծերը և կբարելավվի հանրային տրանսպորտի վիճակը։
Այս ժամի լուրերը՝ տեսանյութում։
