11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Շուշին պիտի ազատագրվի. Սասուն Միքայելյան
08.05.2023 | 12:34
Մայիսի Երկրապահի օրն է։ Ազգային ժողովի պաշտպանության և անվտանգության հարցերի մշտական հանձնաժողովի անդամներն ու Երկրապահ կամավորականների միություն վարչության նախագահ Սասուն Միքայելյանն այցելել են «Եռաբլուր» զինվորական պանթեոն։
«Ես ուզում եմ շնորհավորել Սպարապետին, որ կարողացավ 90-ական թվերին մեզ բոլորիս համախմբել, և մենք տարանք հաղթանակ։ Այսօր Երկրապահի օրն է, շնորհավորում եմ հայ ազգին, որովհետև ԵԿՄ-ում հայ ազգի գրեթե ամեն օջախից մարդ կա, և այս տարի Երկրապահի 30-ամյակն է։ Ուրիշ քաղաքական հարցերի չեմ պատասխանելու»,- լրագրողների հետ զրույցում ասաց Միքայելյանը։
Այսօր նաև Շուշիի ազատագրման օրն է։ Լրագրողները Միքայելյանից հետաքրքրվեցին՝ օկուպացված Շուշին հետ բերելո՞ւ ենք, թե՞ ոչ։
«Պիտի ազատագրվի։ Լեզվով չէ, գործով»,- ասաց ԵԿՄ վարչության նախագահը՝ չպատասխանելով հաջորդիվ հնչած հարցերին՝ նշելով, որ ինքը հարցերին պատասխանում է ճակատում։
Արփի Հակոբյան
