15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Կիևն ու Մոսկվան կարող են բանակցությունները սկսել 2023 թվականի վերջին․ WSJ
Քաղաքականություն
08.05.2023 | 13:49
Ուկրաինական սպասվող հակահարձակումն ունակ է ավելի մոտեցնել Ռուսաստանի և Ուկրաինայի միջև խաղաղ բանակցությունները, որոնք կարող են տեղի ունենալ 2023 թվականի վերջին՝ Չինաստանի միջնորդությամբ։ Այս մասին գրում է The Wall Street Journal-ը՝ հղում անելով ամերիկացի ու եվրոպացի պաշտոնյաներին, փոխանցում է DW-ի ռուսական ծառայությունը։
Նշվում է, որ Արևմուտքը նախկինում թերահավատորեն էր վերաբերվում Չինաստանի դերին որպես միջնորդի, բայց այժմ պատրաստ է աջակցել Պեկինի մասնակցությանը Կիևի և Մոսկվայի միջև բանակցություններին։
Պաշտոնյաների խոսքով, որոնց վկայակոչում է լրատվամիջոցը, այդ տեղաշարժը պայմանավորված է նրանով, որ կողմերից որևէ մեկը չի կարող պատերազմն անվերջ շարունակել, և միջազգային խաղաղ բանակցություններում Պեկինի մասնակցության պատրաստակամությունը պետք է ստուգել։ Սակայն WSJ-ի զրուցակիցները համոզված չեն, որ Ռուսաստանը հրադադարի բանակցություններ կվարի Վլադիմիր Պուտինի նախագահության օրոք։
ԱՄՆ նախկին պետքարտուղար Հենրի Քիսինջերը ևս նման տեսակետ է հայտնել CBS-ին տված հարցազրույցում։
«Հիմա, երբ Չինաստանը մտել է բանակցությունների մեջ, կարծում եմ՝ տարվա վերջին նրանք կհասնեն բարձրագույն կետին»,-ասել է նա՝ նշելով, որ նկատի ունի «իրական բանակցությունները»։
Քիսինջերը նաև ասել է, որ, ամենայն հավանականությամբ, կհամաձայներ մասնակցել Ռուսաստանի հետ բանակցություններին որպես ԱՄՆ-ի կողմից խորհրդական։
Էմմա Չոբանյան
