13.01.2025 | 18:31
«Մայր Հայաստան» խմբակցությունը Երևանի ավագանու արտահերթ նիստ կգումարի
Ասկերանում օձը հայտնվել է բնակելի տանը
06.05.2023 | 16:18
Մայիսի 6-ին՝ ժամը 13:41-ին, ԱԻՊԾ Ասկերանի շրջանային բաժնի ճգնաժամային կառավարման կենտրոնում ահազանգ է ստացվել, որ Ասկերան քաղաքի Մյասնիկյան փողոցի բնակելի տներից մեկում օձ է հայտնվել։
Ինչպես տեղեկացնում են Արցախի ՆԳՆ ԱԻՊԾ-ից՝ օգնություն ցուցաբերելու նպատակով անմիջապես դեպքի վայր են մեկնել Ասկերանի հրշեջ-փրկարարական մասի ծառայողները։ Փրկարարները սողունին հայտնաբերել և տեղափոխել են անվտանգ տարածք։
Ջերմաստիճանի բարձրացմամբ պայմանավորված, ինչպես նաև ելնելով կենսաբանական առանձնահատկություններից, օձերը ակտիվանում են հիմնականում մայիս ամսին:
ԱԻ պետական ծառայությունը հորդորում է. սողունների հանդիպելիս անմիջապես զանգահարել 911 կարճ հեռախոսահամարին։
«Ինքնուրույն, ձեռքի միջոցներով մի’ փորձեք բռնել կամ սպանել սողունին, հետևանքները կարող են անդառնալի լինել»,- ասված է հաղորդագրության մեջ։
