16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՌԴ-ում Հայաստանի և ԱՄՆ դեսպանները ընդգծել են մայիսի 1-4-ը ԱՄՆ-ում կայացած եռակողմ բանակցությունների կարևորությունը
Քաղաքականություն
06.05.2023 | 10:31
Մայիսի 5-ին ՌԴ-ում ՀՀ արտակարգ և լիազոր դեսպան Վաղարշակ Հարությունյանը հանդիպել է ՌԴ-ում ԱՄՆ նորանշանակ դեսպան Լին Թրեյսիի հետ: Այս մասին հայտնում են ՌԴ-ում ՀՀ դեսպանությունից:
Հանդիպման ընթացքում զրուցակիցները մտքեր են փոխանակել Հարավային Կովկասում կայունության հաստատման, Հայաստանի ու Ադրբեջանի միջև հարաբերությունների, ինչպես նաև ԼՂ հակամարտության կարգավորման հարցերի շուրջ` ընդգծելով 2020 թ. նոյեմբերի 9-ի եռակողմ համաձայնության դրույթների անվերապահ կատարումը:
Դեսպաններն ընդգծել են մայիսի 1-4-ը ԱՄՆ-ում կայացած եռակողմ բանակցությունների կարևորությունը:
Հարությունյանն իր գործընկերոջ ուշադրությունն է հրավիրել ՀՀ սուվերեն տարածքի նկատմամբ Ադրբեջանի ագրեսիայի հետևանքով տարածաշրջանում ստեղծված իրավիճակի, ինչպես նաև ԼՂ-ում առկա ճգնաժամային դրության վրա: Նա ընդգծել է, որ Լաչինի միջանցքի ապօրինի շրջափակումը հակասում է Եռակողմ համաձայնության 6-րդ կետին:
Տեղի է ունեցել նաև փոխադարձ հետաքրքրություն ներկայացնող հարցերի շուրջ մտքերի փոխանակում:
