13.03.2026 | 17:20
Բոլոր սցենարները հաշվարկված են․ Ալեքսան Ալեքսանյանը՝ ԱՀԾ-ի և ՔԿ-ի հայտարարությունների մասին․ ՏԵՍԱՆՅՈՒԹ
Ֆրանսիայի ԱԳ նախարարը ԼՂ-ն անկլավ է անվանել Ադրբեջանի կազմում և հայտնել հունիսի 1-ին Քիշնևում Փաշինյան-Ալիև հնարավոր հանդիպման մասին
Քաղաքականություն
05.05.2023 | 16:20
Ֆրանսիայի Հանրապետության Եվրոպայի և արտաքին գործերի նախարար Կատրին Կոլոնան France Inter-ին՝ Ֆրանսիայի հանրային ռադիոկայանին տված հարցազրույցում Լեռնային Ղարաբաղն անվանել է «անկլավ Ադրբեջանի կազմում»:
«Մենք պետք է տարբերենք Հայաստանի և Ադրբեջանի իրավիճակը Լեռնային Ղարաբաղի իրավիճակից, որն անկլավ է Ադրբեջանում` հայերով բնակեցված», – ասել է Կոլոնան։
ԱԳ նախարարը crossroads-ի փոխանցմամբ՝ նշել է, որ Ֆրանսիան հավատարիմ է երկու երկրների միջև խաղաղության համաձայնագրին նպաստելուն և նշել, որ Ֆրանսիայի, ԵՄ-ի և Արդարադատության միջազգային դատարանի դիրքորոշումն այն է, որ Լաչինի միջանցքի շրջափակումը պետք է վերացնել առանց որևէ պայմանի։
Կատրին Կոլոնան հայտարարել է հունիսի 1-ին Քիշնևում՝ Եվրոպական քաղաքական համայնքի 2-րդ գագաթնաժողովի շրջանակներում, Փաշինյանի և Ալիևի հնարավոր հանդիպման մասին։
Անահիտ Խաչատրյան
#French Foreign Minister called Nagorno-Karabakh an enclave within Azerbaijan.
— crossroads_am (@am_crossroads) May 5, 2023
''We must distinguish the situation between #Armenia and #Azerbaijan from the situation of Nagorno-Karabakh, which is an enclave inside Azerbaijan inhabited by Armenians'', said Colonna on French TV.… pic.twitter.com/OXuObg9MCK
