Ականապատ դաշտի միջով ինչքան քայլում ենք, ականներն ավելի խտանում են․ Փաշինյան

Լուրեր

29.03.2024 | 19:36
«Պարզ է, որ բիզնես է»․ դատախազությունը պահանջում է պետականացնել Գրողների, Նկարիչների միության շենքերը․ ՏԵՍԱՆՅՈՒԹ
29.03.2024 | 19:26
Բայրամովը հայտարարել է, թե ՀՀ-ԱՄՆ-ԵՄ հանդիպումը «կնպաստի Հայաստանի նոր սադրանքներին»
29.03.2024 | 19:15
Անահիտ Բախշյանը հանդիպել է Արգիշտի Քյարամյանին
29.03.2024 | 19:13
Գայանե Խաչատրյանն ընտրվել է Դատավորների ընդհանուր ժողովի էթիկայի և կարգապահական հարցերի հանձնաժողովի անդամ
29.03.2024 | 19:10
«Կրոկուս»-ում ահաբեկչությունից հետո շենքում գտնվողներին օգնության ձեռք մեկնած Կարեն Ենգիբարյանը մահացել է
29.03.2024 | 19:00
Իշխանությունը փոքր ռեկորդ սահմանեց՝ Սոլովյովին փակեցին․ բոլո՛ր ռուսական ալիքները եթերազրկել՝ մարդատյաց են․ Տիգրան Խզմալյան. ՏԵՍԱՆՅՈՒԹ
29.03.2024 | 18:56
Դատավորների ընդհանուր ժողովը ՍԴ դատավորի թեկնածու է ընտրել Դավիթ Խաչատուրյանին
29.03.2024 | 18:55
Մեքենան գլորվել է ձորը. վարորդի կյանքը փրկել չի հաջողվել
29.03.2024 | 18:47
Վարչապետն ընդունել է Հայաստանի ամերիկյան համալսարանի նախագահին
29.03.2024 | 18:39
Բաքուն հիասթափված է ԱՄՆ հայտարարություններից ու գործողություններից. Հաջիև
29.03.2024 | 18:30
A-politic Արայիկ Մանուչարյանի հետ․ ԱՆՈՆՍ
29.03.2024 | 18:20
Ռումինիայում ԱԹՍ-ի բեկորներ են հայտնաբերվել Ուկրաինայի սահմանի մոտ գտնվող ֆերմայում
29.03.2024 | 18:09
ԿԻն զինծառայողների իրավունքների պաշտպանության երաշխավորումն ապահավող օրենսդրական փոփոխությունների վերաբերյալ ՀՔԱՎ-ը առաջարկներ է ներկայացրել
29.03.2024 | 18:04
ՌԴ ԱԳՆ-ն՝ 102-րդ բազայի դուրսբերման, Բաքուն՝ Հարությունյանի հարցազրույցը չհեռարձակելու մասին․ ԼՈՒՐԵՐ
29.03.2024 | 18:00
Դատախազը պահանջում է 11 տարվա ազատազրկման դատապարտել Լևոն Երանոսյանին․ մեղադրական ճառը հրապարակվեց
Բոլորը

ՀՀ վարչապետ Նիկոլ Փաշինյանն այսօր Կառավարություն-Ազգային ժողով հարցուպատասխանի ժամանակ, պատգամավոր Սարգիս Խանդանյանի հարցին ի պատասխան, անդրադարձավ Հայաստանի շուրջ ընթացող գործընթացներին և ներկայացրեց իր գնահատականը իրադրության ռազմավարության վերաբերյալ։
Վարչապետը հայտարարեց, որ միջազգային ռազմավարական իրադրությունն ուղիղ ազդեցություն ունի մեր տարածաշրջանի ռազմավարական իրադրության գնահատականի վրա։

«Մեր տարածաշրջանում անվտանգության և կայունության համակարգերը դեֆորմացվել են, դեֆորմացված են և դեֆորմացվում են, ինչը նշանակում է, որ մենք առերեսվում ենք լրացուցիչ անվտանգային մարտահրավերների:
Այսինքն՝ այն համակարգը, որն ի սկզբանե պիտի ապահովեր անվտանգությունը և կայունությունը մեր տարածաշրջանում, այդ հանգամանքն ակնհայտորեն չի գործում բավարար արդյունավետությամբ»,- ընդգծեց Փաշինյանը՝ հավելելով, որ ռազմավարական խնդիր է դեֆորմացիայի արդյունքում առաջացած մարտահրավերները կառավարելը կամ այդ դեֆորմացիայի բերած անհարթությունը հարթելը:
Վարչապետը նաև նշեց, որ կարող է լինել վարկած կամ առաջարկ, որ պետք է նոր կոմպոնենտներ ավելացնել այդ անվտանգային ընդհանուր ճարտարապետությանը, բայց փաստ չէ, որ դրանով ռազմավարական անվտանգությունը կապահովվի:

«Ո՞վ կարող է ապահովել ՀՀ-ի անվտանգությունը. պատասխանը միանշանակ է, անվտանգությունը կարող է ապահովել համապարփակ խաղաղությունը: Սա շատ կարևոր է, որովհետև մենք պետք է արձանագրենք, որ հարցը, թե ով կարող է ապահովել, ինքնին սխալ է, որովհետև եթե ապահովողը «ով» է, ինչ-որ մեկն է, դա նշանակում է, որ անվտանգային սպառնալիքն իրականում մեծ է, և այդ անվտանգային սպառնալիքը, եթե նույնիսկ կառավարվում է, կառավարվում է ժամանակավորապես:

Խորքային ռազմավարական առումով անվտանգություն կարող է ապահովել խաղաղությունը»,- նշեց վարչապետը:

Կառավարության ղեկավարն անդրադարձավ նաև հարցին, թե իրատեսակա՞ն է խաղաղությունը:

«Այո՛, իհարկե, խաղաղությունը հնարավոր է, բայց նաև պիտի հնարավոր լինի ավելի դետալացված արձանագրել, թե ինչպես է հնարավոր խաղաղությունը: Պրոբլեմն այն է, որ այստեղ կա երկու կոմպոնենտ. մեկը՝ քաղաքական կամք խաղաղության հասնելու համար, երկրորդը՝ խաղաղության հասնելու պարամետրերի մանրամասները:
Խաղաղության հասնելու կամք ունենք, խնդիրը հետևյալն է, թե ինչքանով մեզ կհաջողվի բանակցային գործընթացի արդյունքում ձևավորել խաղաղության այնպիսի պարամետրեր, որոնք կարող են ընդունելի լինել ՀՀ-ի կամ ՀՀ ժողովրդի համար, որովհետև, այո՛, կա տարբերակ, որ խաղաղությունը իրատեսորեն հնարավոր լինի այն պարամետրերով, որոնք սկզբունքորեն ընդունելի են ՀՀ-ի և ՀՀ ժողովրդի համար, կարող են լինել պարամետրեր, որ խաղաղությունը իրատեսորեն հնարավոր է այն պարամետրերում, որոնք սկզբունքորեն ընդունելի չեն ՀՀ-ի և ՀՀ ժողովրդի համար»,- ասաց վարչապետը՝ հավելելով, որ իշխանության խնդիրն է կարողանալ իրատեսությունը, խնդրի հետ կապված էմոցիոնալ ֆոնը հնարավորինս բալանսավորել և մոտեցնել իրար:

Խանդանյանն արձանագրեց՝ նշելով, որ միջազգային իրավիճակը շարունակում է անհանգիստ և անորոշ մնալ։ Հետևաբար հարց է ծագում՝ արդյո՞ք այս պայմաններում այն, ինչ որ անում է իշխող ուժը , բավարար է և հույսեր ներշնչու՞մ է, որ հնարավոր կլինի հասնել խաղաղ հանգրվանի։

Փաշինյանը պատասխանեց․ «Արդյոք բավարար չափով ջանքեր գործադրվում են․ դա այնքան պայմանական բան է, որ քանի դեռ չունենք տևական խաղաղություն, նշանակում է, որ ինչ-որ մեկը բավարար ջանքեր չի գործադրում։ Թե ո՞վ է այդ ինչ-որ մեկը, այլ հարց է, բայց մենք էլ պետք է փորձենք բավարար չափով ջանքեր գործադրել, մեր ջանքերը մեծացնել»։

վարջապետն ընդգծեց, որ գլոբալ անորոշությունների ժամանակաշրջանում ենք ապրում, և Հայաստանն, ըստ էության, ականապատ դաշտի միջով է քայլում և ինչքան ավելի քայլում ենք այդ դաշտով, այդ ականներն ավելի են խտանում, ինչը լրացուցիչ ջանքեր ու ճկունություն է պահանջում։

Մանրամասները՝ տեսանյութում։