15.09.2026 | 15:10
Միրզոյան-Բայրամով նոր հանդիպում է նախատեսվում // ԲՀԿ-ն կշարունակի քաղաքական գործունեությունը․ ԼՈՒՐԵՐ
Թուրքիան օդային տարածքը փակել է հայկական ինքնաթիռների համար․ պատճառը Երևանում բացված հուշակոթողն է
Քաղաքականություն
03.05.2023 | 12:55
Թուրքիայի ԱԳ նախարար Մևլութ Չավուշօղլուն հարցազրույց է տվել թուրքական NTV հեռուստալիքին, որի ընթացքում անդրադարձել է նաև թուրքական օդային տարածքը Հայաստանի ինքնաթիռների համար փակելուն։ Ըստ Թուրքիայի ԱԳ նախարարի՝ Անկարայի նման որոշման պատճառը Երևանում օրերս բացված «Նեմեսիս» հուշակոթողն է։ Ի դեպ, Թուրքիայի ԱԳՆ ավելի վաղ նաև այդ մասին հայտարարություն էր տարածել։
«Ես չեմ կարող սա ընդունել։ Ի պատասխան՝ մենք փակել ենք մեր օդային տարածքը հայկական ինքնաթիռների համար։Հանդիպման է գալու միայն Հայաստանի խորհրդարանի նախագահը, բացառապես մենք նրան թույլ ենք տվել (նկատի ունի ՀՀ Ազգային ժողովի նախագահ Ալեն Սիմոնյանի այցն Անկարա Սևծովյան տնտեսական համագործակցության խորհրդարանական վեհաժողովին մասնակցելու համար),-ասել է Չավուշօղլուն։
Նա սպառնացել է, որ եթե «Հայաստանը այդպես շարունակի, ապա Անկարան նոր քայլեր կձեռնարկի»։ Հիշեցնենք, որ ապրիլի 29-ին առանց նախապես զգուշացնելու Թուրքիան փակել էր իր օդային տարածքը հայկական FlyOne Armenia ավիաընկերության համար։
Էմմա Չոբանյան
