13.01.2025 | 18:26
«Մայր Հայաստան» խմբակցությունը Երևանի ավագանու արտահերթ նիստ կգումարի
Բաքուն սքաներ է տեղադրել Լաչինի միջանցքում․ Վաշինգտոնը՝ Միրզոյան-Բայրամով հանդիպման մասին․ Լուրեր
Քաղաքականություն
02.05.2023 | 17:30
- ԱՄՆ պետքարտուղարության փոխխոսնակ Վեդանտ Պատելը հայտարարել է, որ իրենք չեն չեղարկել իրենց խոսքերը Լաչինի միջանցքով երթևեկության, մարդկանց և առևտրի ազատ տեղաշարժի անհրաժեշտության մասին։ Ըստ փոխխոսնակի՝ դա շարունակում է մնալ, և իրենք կշարունակեն ուղղակիորեն բարձրաձայնել հայ գործընկերների հետ։
- Ադրբեջանը Լաչինի միջանցքում՝ Հակարիի կամրջի մոտ ապօրինի անցակետի տեղադրումից հետո այնտեղ նաև ռենտգեն-սքաներ է տեղադրել։ Անցակետի տեղադրմամբ Բաքուն դարձյալ խախտել է 2020թ-ի նոյեմբերի 9-ի եռակողմ հայտարարությունը՝ ևս մեկ անգամ կատարելով փաստաթղթից չբխող գործողություններ։ ՌԴ-ն, որի խաղաղապահների հսկողության ու պատասխանատվության գոտում էլ տեղադրվել է ապօրինի անցակետը, դեռ գործնական քայլ չի ձեռնարկել այն հեռացնելու համար։
- ԱՄՆ պետքարտուղարությունից հայտնել են, որ Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի բանակցություններում քննարկվող փաստաթուղթը շատ համապարփակ է, և դրա շրջանակում քննարկվում են բազմաթիվ հարցեր, ներառյալ էթնիկ փոքրամասնությունների իրավունքներն ու անվտանգությունը: Մինչ այդ եղած հրապարակումը փոփոխվել է, և այնտեղից հանվել է պնդումը, որ պետք է հաշվի առնվեն երկու երկրներում փոքրամասնությունների իրավունքների և անվտանգության հարցերը։
Այս ժամի լուրերը՝ տեսանյութում։
