13.12.2024 | 13:44
Այսօր Թբիլիսիում մեկ տասնյակից ավելի բողոքի ակցիաներ են նախատեսված
Օնիկ Գասպարյանի գալը քննիչ հանձնաժողով շատ շրջադասային է եղել. Անդրանիկ Քոչարյան․ ՏԵՍԱՆՅՈՒԹ
Քաղաքականություն
02.05.2023 | 15:53
ԱԺ-ը քննարկում է 2020-ի սեպտեմբերի 27-ին սանձազերծված ռազմական գործողությունների հանգամանքների ուսումնասիրության նպատակով ստեղծված քննիչ հանձնաժողովի գործունեության ժամկետը երկարաձգելու մասին հարցը։
«Քաղաքացիական պայմանագիր» խմբակցության պատգամավոր Անդրանիկ Քոչարյանն առաջարկեց 44-օրյա պատերազմի հանգամանքների ուսումնասիրման նպատակով ստեղծված Ազգային ժողովի քննիչ հանձնաժողովի գործունեության ժամկետը ևս 6 ամսով երկարաձգել։
Ազգային ժողովի Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը հայտնեց, որ շատ քիչ մարդիկ են եղել, որոնք հրաժարվել են ներկայանալ 44-օրյա պատերազմի հանգամանքները քննող հանձնաժողովի նիստին, սակայն ապագայում նման դեպքերը բացառելու համար հանդես են գալու օրենսդրական նախաձեռնությամբ։
«Ընդդիմությունը առանձին զրույցներում դրական է տրամադրված եղել, երբ մենք որոշել էինք ԱԺ կանոնակարգ օրենքում փոփոխություններ կատարել և խստացնել քննիչ հանձաժողովին չներկայանալը։ Ասեմ, որ շատ քիչ մարդիկ են եղել, որոնք, չգիտես ինչու, մերժել են և չեն ներկայացել, բայց համոզված եմ, որ գալու են՝ լինի Արտաքին գործերի նախկին նախարար Վարդան Օսկանյանը, զինված ուժերի շտաբի պետի տեղակալ Տիրան Խաչատրյանը, թե զինված ուժերի նախկին գլխավոր շտաբի պետ Մովսես Հակոբյանը։ Եթե չգան, նշանակում է, որ իրենք խուսափում են մի բանից, որ չօգտվել այս հնարավորությունից պարզապես անհնար է պատկերացրել»,- ընդգծեց Քոչարյանը։
«Օնիկ Գասպարյանի գալը քննիչ հանձնաժողով շրջադարձային էր»,- այս մասին նշեց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ կարևորելով քննիչ հանձնաժողովի գործառույթները։
«Դրանից հետո որևէ զինվորականի մերժումը գոնե մեր հանձնաժողովի անդամների կողմից ընդունելի չէ…. Շատ քիչ մարդիկ են, որոնք մերժել են, բայց համոզված եմ՝ գալու են, լինի Վարդան Օսկանյանը, թե Մովսես Հակոբյանը, թե Տիգրան Խաչատրյանը: Չեն կարող չգալ, եթե չգան, կնշանակի՝ խուսափում են ինչ-որ մի բանից, չօգտվել այս հնարավորությունից, պարզապես անհնար է պատկերացնել»,- նշեց Քոչարյանը։
Մանրամասները՝ տեսանյութում։
