Միրզոյանը և Բայրամովը կբանակցեն 1 շաբաթ. ԱԺ-ում կրկին վիճել են իշխանությունը և ընդդիմությունը. Լուրեր

• Վաշինգտոնում մեկնարկել են Հայաստանի ու Ադրբեջանի ԱԳ ղեկավարների միջև բանակցությունները ԱՄՆ-ի միջնորդությամբ «Հարաբերությունների կարգավորման շուրջ համաձայնագիր» փաստաթղթի շուրջ: Հայաստանի ու Ադրբեջանի արտգործնախարարներն այս շաբաթվա ընթացքում կունենան հաջորդաբար մի շարք հանդիպումներ։ ԵԱՀԿ Մինսկի խմբի ամերիկացի համանախագահ Լուիս Բոնոն հայտարարել է, որ բանակցություններում կողմերի միջև քննարկվող հարցերից մեկն է վերաբերմունքը էթնիկ փոքրամասնությունների նկատմամբ երկու երկրներում, որն անդրադառնում է էթնիկ փոքրամասնությունների իրավուքներին ու անվտանգությանը:
• Արցախի Սարսանգի ջրամբարի ջրի մակարդակը 9 անգամ ցածր է անցյալ տարվա նույն ժամանակահատվածի համեմատ, և պարզ չէ, թե որքան կբավականացնեն ռեսուրսները, հայտնել է ՀԷԿ-ի ղեկավար Գրիգոր Գրիգորյանը։ Դա ստեղծել է էկոլոգիական խնդիրներ, և խորացրել է էներգետիկ ճգնաժամը։ Մարտի 21-ից էլ ադրբեջանցիները կրկին փակել են Հայաստանից դեպի Ացախ գնացող գազի մատակարարումը։
• Հայաստանի Ազգային ժողովում այսօր իշխանական և ընդդիմադիր խմբակցությունների միջև հերթական վիճաբանությունն է եղել Թուրքիայի հետ բանակցությունների հարցով։ Ընդդիմությունից Արթուր Խաչատրյանը հայտարարել է, որ Հայաստանի իշխանությունները ենթարկվում են թուրքական հերթական պայմանին, ՔՊ-ից էլ Վահագն Ալեքսանյանը նախկին իշխանություններին մեղադրել է նախկինում Թուրքիայի հետ ստվերային բանակցություններ անցկացնելու մեջ։ Իրավիճակը վերաճել է լեզվակռվի, հնչել են կոռեկտության կոչեր։

Այս ժամի լուրերը՝ տեսանյութում։