27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ֆրանսիայում հարյուր հազարավոր մարդիկ են մասնակցել մայիսմեկյան ցույցերին
Քաղաքականություն
02.05.2023 | 14:51
Ֆրանսիայում հարյուր հազարավոր մարդիկ մասնակցել են մայիսմեկյան ցույցերին՝ բողոքելով կենսաթոշակային բարեփոխումների դեմ: Ցույցերը դարձյալ վերաճել են բախումների, ավելի քան 100 ոստիկան և ժանդարմ է վիրավորվել, գրում է Euronews-ը: Բերման է ենթարկվել մոտ 300 ցուցարար։ Ներքին գործերի նախարարության տվյալներով ցույցերին մասնակցել է մոտ 800 հազար մարդ։ Ըստ կազմակերպիչների՝ այս թիվը կազմում է ավելի քան 2 միլիոն։
Կենսաթոշակային բարեփոխումների օրենքը, որով կենսաթոշակային տարիքը 62-ից հասցվում է 64-ի, ուժի մեջ կմտնի աշնանը։
Առանց խորհրդարանի՝ Կառավարության ընդունած նախագիծը արդեն տևական ժամանակ բողոքի ցույցերի և գործադուլների պատճառ է դարձաելողջ երկրում: Արհմիությունները ներկայիս մայիսմեկյան բողոքի ցույցերն անվանում են պատմական ու հայտարարում , որ ժողովրդական զայրույթը դուրս է գալիս կենսաթոշակային բարեփոխումների շրջանակից՝ արտացոլելով քաղաքական իշխանությունների հանդեպ վստահության բացակայությունը։ Չնայած այս հանգամանքին՝ նախագահ Մակրոնը հրապարակային ելույթներում ցույց է տվել, որ իշխանությունը մտադիր չէ հրաժարվել փոփոխություններից։
