13.03.2026 | 20:10
Ատելը փողով է․ ձեր քոմենթի համար կարող են մինչև 2 մլն դրամ պահանջել. ՏԵՍԱՆՅՈՒԹ
Երկխոսությունը Հարավային Կովկասում կայուն խաղաղության հասնելու բանալին է. Բլինքենի գրառումը հանդիպումից հետո
Քաղաքականություն
02.05.2023 | 00:27
ԱՄՆ պետքարտուղար Էնթոնի Բլինքենը Արարատ Միրզոյանի և Ջեյհուն Բայրամովի հետ հանդիպումից հետո գրառում է կատարել Twitter-ի իր միկրոբլոգում։
«Երկխոսությունը Հարավային Կովկասի տարածաշրջանում կայուն խաղաղության հասնելու բանալին է»,- գրել է Բլինքենը և կից լուսանկարներ հրապարակել։
Ավելի վաղ տեղեկացրել էինք, որ կայացել է ՀՀ ԱԳ նախարար Արարատ Միրզոյանի և ԱՄՆ պետքարտուղար Էնթոնի Բլինքենի հանդիպումը:
Քննարկվել են տարածաշրջանում կայունությանն ու անվտանգությանն առնչվող հարցեր, Հայաստանի և Ադրբեջանի միջև հարաբերությունների կարգավորման գործընթացը:
Անդրադարձ է կատարվել Ադրբեջանի կողմից Լաչինի միջանցքի ապօրինի արգելափակման հետևանքով ստեղծված հումանիտար իրավիճակին:
Տեղի է ունեցել նաև Ադրբեջանի ԱԳ նախարար Ջեյհուն Բայրամովի և ԱՄՆ պետքարտուղար Էնթոնի Բլինքենի հանդիպումը, այնուհետև տեղի է ունեցել եռակողմ հանդիպում։
Քննարկվել են տարածաշրջանում ստեղծված անվտանգային իրավիճակի, Հայաստանի և Ադրբեջանի միջև հարաբերությունների կարգավորման գործընթացի հարցեր: Անդրադարձ է կատարվել Ադրբեջանի կողմից Լաչինի միջանցքի ապօրինի արգելափակման հետևանքով ստեղծված հումանիտար իրավիճակին:
Տեղի են ունեցել նաև Հայաստանի ու Ադրբեջանի ԱԳ ղեկավարների միջև բանակցությունները ԱՄՆ-ի միջնորդությամբ «Հարաբերությունների կարգավորման շուրջ համաձայնագիր» փաստաթղթի շուրջ: «Ամերիկայի ձայնի» հաղորդմամբ՝ ԱՄՆ-ի բարձրաստիճան դիվանագետները մանրամասներ են հաղորդել բանակցություններից։
