15.07.2026 | 22:23
Հայտնի է՝ հուլիսի 16-ին որ հասցեներում էլեկտրամատակարարումը կդադարեցվի
Վաշինգտոնում սպասվում է Միրզոյանի և Բայրամովի հանդիպումը
Քաղաքականություն
30.04.2023 | 10:49
Ադրբեջանի արտաքին գործերի նախարար Ջեյհուն Բայրամովը ԱՄՆ պետքարտուղար Էնթոնի Բլինքենի հրավերով աշխատանքային այցով մեկնել է Ամերիկայի Միացյալ Նահանգներ, հայտնում է Ադրբեջանի ԱԳՆ-ն։
«Այցի ընթացքում նախատեսվում է անցկացնել Ադրբեջանի և Հայաստանի միջև խաղաղ համաձայնագրի նախագծի շուրջ բանակցությունների հերթական փուլը»,- նշում են Interfax-ի ադրբեջանական ծառայությունը՝ վկայակոչելով Ադրբեջանի ԱԳՆ-ի հայտարարությունը։
Ավելի վաղ ՀՀ ԱԳՆ-ից տեղեկացրել էին՝ ԱԳ նախարար Արարատ Միրզոյանն ապրիլի 30-ից աշխատանքային այցով կգտնվի ԱՄՆ մայրաքաղաք Վաշինգտոնում։
Հիշեցնենք՝ երեկ՝ ապրիլի 29-ին, վարչապետ Նիկոլ Փաշինյանը և ԱՄՆ պետքարտուղար Էնթոնի Բլինքենը հեռախոսազրույց են ունեցել, որի ընթացքում, ի թիվս այլ հարցերի, մտքեր են փոխանակել նաև Հայաստան-Ադրբեջան բանակցային գործընթացի, այդ թվում՝ Վաշինգտոնում օրերս կայանալիք քննարկումների շուրջ։
