06.10.2026 | 11:18
Ազգային ժողովի հրմշտոցը՝ ԼՈՒՍԱՆԿԱՐՆԵՐՈՎ
Հայաստանի բնակչությունը նվազել է․ հրապարակվել են վերջին մարդահամարի նախնական արդյունքները
Հասարակություն
28.04.2023 | 21:19
2022 թվականի հոկտեմբերի 13-ի դրությամբ՝ ՀՀ մշտական բնակչությունը եղել է 2 մլն 928 հազար 914 մարդ, նույն ժամանակահատվածում առկա բնակչության թիվը կազմել է 2 մլն 638 հազար 917: Այս մասին տեղեկացնում է Հայաստանի Վիճակագրական կոմիտեն` ներկայացնելով մարդահամարի նախնական արդյունքները։
Ըստ Վիճակագրական կոմիտեի՝ մշտական բնակչության թվաքանակում ներառված է ՀՀ-ում մշտապես (սովորաբար) բնակվող ու հաշվառման պահին ներկա և ժամանակավոր բացակա բնակչության թվաքանակների ցուցանիշների հանրագումարը։
Առկա բնակչության թվաքանակում ներառված է ՀՀ-ում մշտապես (սովորաբար) բնակվող ու հաշվառման պահին ներկա և ժամանակավոր ներկա բնակչության թվաքանակների ցուցանիշների հանրագումարը։
Նախորդ մարդահամարն անցկացվել է 2011 թվականին։ Այդ տարվա տվյալներով՝ ՀՀ մշտական բնակչությունը եղել է 3 մլն 18 հազար 854 մարդ, իսկ առկա բնակչությունը՝ 2 մլն 871 հազար 771 մարդ։
Այսպիսով՝ ՀՀ բնակչությունը մշտական բնակչությունը 11 տարում կրճատվել է շուրջ 89 հազար 940-ով, իսկ առկա բնակչության թիվը նվազել է 232 հազար 854-ով։ Նկատենք նաև, որ 2011 թվականի համեմատ՝ մեծացել է ՀՀ-ի մշտական բնակչության ու առկա բնակչության տարբերությունը։
Անժելա Պողոսյան
