14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱԱԾ-ն չի հայտնում՝ հետախուզվող Դենիսովը ՀՀ-ի տարածքո՞վ է անցել Թուրքիա, թե՞ ոչ
Հասարակություն
27.04.2023 | 17:38
Ազգային անվտանգության ծառայությունն անձնական տվյալ է համարում հետախուզման մեջ գտնվող անձի տեղաշարժի վերաբերյալ տեղեկությունները։
Ապրիլի 2-ին Պետերբուրգում Street Food Bar No 1 սրճարանում, որը պատկանում է «Վագներ» խմբավորման հիմնադիր Եվգենի Պրիգոժինին, տեղի էր ունեցել պայթյուն ռազմական բլոգեր, լրագրող Վլադլեն Տատարսկիի ստեղծագործական երեկոյի ժամանակ։ Պայթյունի հետեւանքով Տատարսկին մահացել էր, 40 մարդ վիրավորում ստացել։ ՌԴ ԱԴԾ-ն հայտնել էր, թե Դարյա Տրեպովան, որը կալանավորվել է Պետերբուգում տեղի ունեցած պայթյունի գործով, հանցագործությունը կատարել է ՖԲԿ-ի ղեկավարներ՝ Լեոնիդ Վոլկովի ու Իվան Ժդանովի կոչերի արդյունքում։ Ըստ գերատեսչության՝ Տատարսկու սպանությունը Տրեպովայի հետ միասին նախապատրաստել է Ուկրաինայի քաղաքացի Յուրի Դենիսովը՝ ծնված 1987 թ-ին, որը ապրիլի 3-ին՝ «ահաբեկչության իրականացումից հետո Ռուսաստանից տրանզիտով Հայաստանի տարածքով մեկնել է Թուրքիա»։
ՌԴ ԱԴԾ-ի այս հայտարարությունից հետո հարցում էինք ուղարկել ՀՀ Ազգային անվտանգության ծառայություն՝ փորձելով պարզել՝ հաստատում ե՞ն արդյոք տեղեկությունը, որ Դենիոսովը Ռուսաստանից տրանզիտով Հայաստանի տարածքով է մեկնել Թուրքիա, եթե այո, ապա՝ երբ։ Խնդրել էինք հայտնել նաև, թե երբ է Հայաստանին հայտնի դարձել Դենիսովի նկատմամբ միջազգային հետախուզում հայտարարված լինելու մասին։
ԱԱԾ-ից մեր գրավոր հարցմանն ի պատասխան հայտնել են, որ առաջին երկու հարցով հայցվող տեղեկությունը վերաբերում է տվյալ անձի անձնական կյանքին և «Տեղեկատվության ազատության մասին» ՀՀ օրենքի 8-րդ հոդվածի 1-ին մասի 2-րդ կետի համաձայն՝ տրամադրման ենթակա չէ:
Ինչ վերաբերում է հարցին, թե երբ է Հայաստանի իրավապահներին հայտնի դարձել Դենիսովի նկատմամբ միջազգային հետախում հայտարարված լինելու մասին, ԱԱԾ-ից հայտնում են, որ տեղեկատվության տրամադրումը դուրս է ՀՀ ազգային անվտանգության ծառայության լիազորությունների շրջանակից:
Արաքս Մամուլյան
