03.05.2024 | 22:32
Կիրանցի 1,5 մլն դոլարանոց դպրոցը՝ թշնամու թիրախում․ զինված ադրբեջանցիներն ավելի կմոտենան. ՏԵՍԱՆՅՈՒԹ
ԵԽԽՎ համազեկուցողները կոչ են արել վերաբացել Լաչինի միջանցքը
Քաղաքականություն
27.04.2023 | 10:45
ԵԽԽՎ Ադրբեջանի մոնիտորինգի համազեկուցողներ Իեն Լիդել-Գրենջերը (Միացյալ Թագավորություն) և Լիզ Քրիստոֆերսենը (Նորվեգիա) և Հայաստանի մոնիտորինգի համազեկուցողներ Կիմմո Կիլյունենը (Ֆինլանդիա) և Բորիանա Աբերգը (Շվեդիա) հանդես են եկել հայտարարությամբ, որը ներկայացնում ենք ստորև․
«Մենք վերահաստատում ենք 2022 թ դեկտեմբերի 16-ին արված մեր կոչը՝ վերականգնել Լաչինի միջանցքով տեղաշարժը և հիշեցնենում ենք Մարդու իրավունքների եվրոպական դատարանի 2022 թ. դեկտեմբերի 21-ի որոշումը՝ համաձայն Դատարանի կանոնակարգի 39-րդ կանոնի, և Արդարադատության միջազգային դատարանի 2023 թ. փետրվարի 22-ի հրամանի, որը սահմանում է, որ «Ադրբեջանը պետք է իր տրամադրության տակ եղած բոլոր միջոցները կիրառի ապահովելու մարդկանց, մեքենաների ու բեռների անխոչընդոտ տեղաշարժը Լաչինի միջանցքով ՝ երկու ուղղություններով էլ»։
Մենք հաշվի ենք առնում, որ ՀՀ-ն հայտարարել է, որ կդիմի Արդարադատության միջազգային դատարան Լաչինի միջանցքում ապրիլի 23-ին անցակետի տեղակայման վերաբերյալ։
Մենք կոչ ենք անում Ադրբեջանին և Հայաստանին ձեռնպահ մնալ ցանկացած միակողմանի քայլերից, որոնք կարող են ավելի բարդացնել ԵՄ-ի կողմից ամենաբարձր մակարդակով և Հայաստանում ԵՄ առաքելության ներկայությամբ աջակցվող բանակցային ջանքերը։ Կոչ ենք անում ակտիվացնել սահմանային հարցերի շուրջ բանակցությունները և բոլոր վեճերը լուծել խաղաղ ճանապարհով»,- ասված է հայտարարության մեջ։
Հայտարարության վերջում, որպես հետգրություն նշված է, որ ԵԽԽՎ զեկուցող Փոլ Գավանը (Իռլանդիա) փորձել է նաև մուտք գործել Լաչինի միջանցք՝ տեղում անմիջականորեն ծանոթանալու իրավիճակին:
Տաթև Ֆռանգյան
