13.01.2026 | 20:12
Հարավային Կորեայի նախկին նախագահի համար դատախազությունը մահապատիժ է պահանջել
Կանոնավոր թռիչքների մասին կխոսենք այսօրվա թռիչքը վերլուծելուց հետո․ Քաղաքացիական ավիացիայի կոմիտե․ ՏԵՍԱՆՅՈՒԹ
Տեսանյութեր
26.04.2023 | 17:00
Կապանի «Սյունիք» օդանավակայանում այսօր վայրէջք կատարած մարդատար օդանավի ստացած ինֆորմացիան պետք է վերլուծել, մշակել, ապա միայն խոսել կանոնավոր թռիչքների մասին։ Այս մասին Factor TV-ին տեղեկացրեց Քաղաքացիական ավիացիայի կոմիտեի նախագահի օգնական Լիլիթ Աղաբեկյան։ Նրա խոսքով՝ օդանավում եղել է անձնակազմը, կատարել է ստուգիչ գործողություններ, սխեմաներն ուսումնասիրել և վերադարձել։
L-410–UVP E20 չեխական արտադրության մարդատար օդանավը «Զվարթնոց» միջազգային օդանավակայանից օդ է բարձրացել ժամը 10:10-ին, իսկ Երևանի ժամանակով 10:58-ին բարեհաջող վայրէջք է կատարել։ Այս թռիչքը պատմական էր, քանի որ 90-ականներից Կապանի օդանավակայանում թռիչքներ չեն իրականացվել՝ բացառությամբ 2017 թվականին մեկ մասնավոր թռիչքի: Այսօրվա թռիչքը կրել է փորձնական բնույթ։ Օդանավակայանը վերանորոգվել է միջազգային չափանիշների համաձայն և Քաղաքացիական ավիացիայի կոմիտեի կողմից սերտիֆիկացվել է 2020 թվականին:
Մանրամասները՝ տեսանյութում։
Անի Թամրազյան
