Քաղաքականություն
25.04.2023 | 12:34
Կալիֆորնիայից ընտրված դեմոկրատ կոնգրեսական Ադամ Շիֆը Արցախի Հանրապետության անկախությունը ճանաչող և Հայաստանի և Արցախի դեմ Ադրբեջանի շարունակական ագրեսիան դատապարտող բանաձևի նախագիծ է ներկայացրել։ Այս մասին հայտնում է ANCA-ն՝ կից հրապարակելով փաստաթուղթը։
Համաձայն հրապարակված փաստաթղթի՝ բանաձևում նշված է, որ «ինքնորոշման իրավունքն ամրագրված է միջազգային իրավունքի մի քանի փաստաթղթդրով», որոնց մաս է կազմում նաև ԱՄՆ, այդ թվում՝ ՄԱԿ-ի քաղաքացիական և քաղաքական իրավունքի մասին միջազգային դաշնագրի հոդված 1-ինը, որում ասվում է․ «Բոլոր մարդիկ ունեն ինքնորոշման իրավունք: Այդ իրավունքի ուժով նրանք ազատորեն կարող են որոշել իրենց քաղաքական կարգավիճակն ու ազատորեն իրականացնել իրենց տնտեսական, սոցիալական ու մշակութային զարգացումը»։
Տաթև Ֆռանգյան
