26.08.2026 | 11:40
US Open. Սերենա Ուիլյամսն ու Կառլոս Ալկարասը պարտվել են 1/4 եզրափակիչում. ՏԵՍԱՆՅՈՒԹ
Բայդենի ուղերձը՝ Ապրիլի 24-ի առիթով․ ՌԴ ԱԳՆ-ն արձագանքել է Լաչինի միջանցքում անցակետի տեղադրմանը. ԼՈՒՐԵՐ
24.04.2023 | 19:30
- Տեղ գյուղի հատվածում նոր փոփոխություններ չկան։ Այս մասին հայտարարել է պաշտպանության նախարարի տեղակալ Արման Սարգսյանը։ Նա նշել է, որ Ադրբեջանի զինված ուժերը վերջին օրերին թիրախավորել են ոչ միայն Սոթքի հատվածը, այլև մյուս հատվածները, և հայկական կողմը երեք զոհ է ունեցել։
- ՌԴ ԱԳՆ-ն անդրադարձել է Ադրբեջանի կողմից Լաչինի միջանցքում ապօրինի անցակետի տեղադրմանը, ինչպես միշտ՝ անհասցե և Բաքվի գործողությունները չդատապարտող հայտարարությամբ։ Պաշտոնական Մոսկվան նշում է անընդունելիությունը ցանկացած միակողմանի քայլի, որը խախտում է Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի եռակողմ հայտարարության հիմնական դրույթները՝ լինի դա Լաչինի միջանցքի ռեժիմի չհամաձայնեցված փոփոխության, թե այն օգտագործելու որևէ փորձ, որ չի համապատասխանում խաղաղության օրակարգին։
- ԱՄՆ կոնգրեսական, հայկական հարցերով հանձնախմբի փոխնախագահ Ադամ Շիֆը հայտարարել է, որ վաղը Արցախի անկախության ճանաչման օրինագիծ է ներկայացնելու Կոնգրես։ Նա նշել է, որ Ադրբեջանը հերթական պատերազմն է նախապատրաստում Արցախի և Հայաստանի դեմ։
- ԱՄՆ նախագահ Ջո Բայդենը ուղերձ է հղել Հայոց ցեղասպանության 108-րդ տարելիցի առիթով և նշել է, որ հիշում են Մեծ եղեռնի՝ Հայոց ցեղասպանության ժամանակ կորսված կյանքերը և վերականգնում են այն երբեք չմոռանալու խոստումը:
Այս ժամի լուրերը՝ տեսանյութում։
