04.06.2026 | 19:11
Գալուզին․ Ռուսաստանը պատրաստ է հարթակ տրամադրել Բաքվին և Երևանին՝ խաղաղության պայմանագրի կնքման համար
Փաշինյանն ընդունեց Ֆրանսիայի պատգամավորներին․ Մանասյանը՝ ԼՂ-ում էթնիկ զտումների վտանգի մասին․ Լուրեր
Քաղաքականություն
24.04.2023 | 16:08
- Լաչինի միջանցքում Բաքվի կողմից անցակետի ապօրինի տեղադրմանն անդրադարձել է նաև Ռուսաստանի նախագահի խոսնակ Դմիտրի Պեսկովը։ Նա նշել է, թե «իրավիճակն իսկապես բարդ է», «պահանջում է լրացուցիչ ջանքեր» և Երևանից և Բաքվից եռակողմ հայտարարությունների «ոչ այլընտրանքային իրականացման» ընկալում։ Մինչ այդ, հիշեցնենք, ամերիկյան ու եվրոպական կողմերը քննադատել էին նման անցակետի տեղադրումը։
- Վարչապետ Նիկոլ Փաշինյանն ընդունել է Ֆրանսիայի Սենատում մեծամասնություն կազմող «Հանրապետականներ» խմբակցության նախագահ, Սենատում Լեռնային Ղարաբաղի հարցով խմբի հիմնադիր և նախագահ Բրունո Ռետայոյի գլխավորած պատվիրակությանը: Զրուցակիցներն անդրադարձել են Լաչինի միջանցքի ապօրինի շրջափակման հետևանքով Լեռնային Ղարաբաղում ստեղծված հումանիտար ճգնաժամին, Ադրբեջանի կողմից 2020 թվականի նոյեմբերի 9-ի հայտարարության կոպիտ խախտմամբ Լաչինի միջանցքում ապօրինի անցակետի տեղադրմանը, Լեռնային Ղարաբաղի հակամարտությանը, Հայաստանի և Ադրբեջանի միջև հարաբերությունների կարգավորմանը վերաբերող հարցերի:
- Արցախահայությունը էթնիկ զտման վտանգի տակ է։ Այս մասին այսօր հայտարարել է Հայաստանի ՄԻՊ Անահիտ Մանասյանը։ Նա նշել է, որ այս ամենը մտահոգիչ պետք է լինի ոչ միայն Հայաստանի, այլև միջազգային հանրության համար։ Նա պնդել է, որ այս հարցերը մշտապես քննարկում է նաև միջազգային գործընկերների հետ։
Այս ժամի լուրերը՝ տեսանյութում։
