06.10.2026 | 22:54
Հայաստանի մի շարք հասցեներում էլեկտրաէներգիայի անջատումներ կլինեն
Փաշինյանը, կաթողիկոսն այցելել են Ծիծեռնակաբերդ․ ԱՄՆ դեսպանը՝ Բաքվի դեմ հնարավոր քայլերի մասին․ Լուրեր
Քաղաքականություն
24.04.2023 | 14:07
- Վարչապետ Նիկոլ Փաշինյանը, նախագահ Վահագն Խաչատուրյանը և այլ պաշտոնյաներ այսօր այցելել են Ծիծեռնակաբերդի հուշահամալիր, հարգանքի տուրք մատուցել Օսմանյան կայսրության կողմից իրականացված հայոց ցեղասպանության զոհերի հիշատակին։ Փաշինյանն իր այսօրվա ուղերձում կրկին նշել է տարածաշրջանում հարաբերությունների կարգավորման մասին՝ պնդելով, թե միայն այդպես է հնարավոր կանխել նոր ցեղասպանությունները։
- Ամենայն հայոց կաթողիկոս Գարեգին Երկրորդը Մայր աթոռ Սուրբ Էջմիածնի միաբանների ուղեկցությամբ նույնպես այցելել է Ծիծեռնակաբերդ։ Նրանք հուշահամալիրում հարգանքի տուրք են մատուցեել Հայոց ցեղասպանության սուրբ նահատակների հիշատակին և ծաղիկներ խոնարհեցին անմար կրակի մոտ և հոգեհանգստյան կարգ մատուցել։ Լրագրողների հարցերին պատասխանելիս նա անպատասխան է թողել Փաշինյանի պնդումները եկեղեցու և Աստծո հարաբերությունների մասին։
- Հայաստանում հավատարմագրված օտարերկրյա դեսպանները նույնպես այցելել են Հայոց ցեղասպանության հուշահամալիր և ծաղիկներ են խոնարհել անմար կրակի մոտ։ ԱՄՆ դեսպան Քրիստինա Քվինը լրագրողների հետ զրույցում նշել է, որ այս պահին Միացյալ Նահանգների կողմից Ադրբեջանի նկատմամբ կիրառված պատժամիջոցներ չկան, իսկ թե ինչ կանեն ապագայում, չի կարող որևէ մեկնաբանություն տալ։
Այս ժամի լուրերը՝ տեսանյութում։
