13.01.2025 | 18:31
«Մայր Հայաստան» խմբակցությունը Երևանի ավագանու արտահերթ նիստ կգումարի
Փաշինյանը՝ անվտանգության ճգնաժամի մասին․ Ադրբեջանը 2 նոր արբանյակ կգնի Իսրայելից․ Լուրեր
21.04.2023 | 20:15
- Պետք է ուղիղ ասել՝ մենք ապրում ենք անվտանգության ճգնաժամ։ Այս մասին այսօր խորհրդարանում հայտարարել է վարչապետ Նիկոլ Փաշինյանը։ Նա նորից պնդել է, թե դա ոչ թե 2020 թվականի պատերազմի հետևանք է, այլ ավելի խորը գնացող պատճառներ ունի։
- ՀՀ պաշտպանության նախարարությունը հայտնում է, որ Ադրբեջանի պաշտպանության նախարարության ապրիլի 21-ին տարածած հաղորդագրությունն այն մասին, թե իբր արձանագրվել է ՌԴ խաղաղապահների ուղեկցությամբ ՀՀ ԶՈՒ ռազմական ավտոշարասյան մուտքը Լեռնային Ղարաբաղ, չի համապատասխանում իրականությանը: Կեղծ են նաեւ ՀՀ զինված ուժերի՝ անձնակազմ, ռազմամթերք և ռազմական տեխնիկա տեղափոխելու վերաբերյալ Ադրբեջանի պաշտպանության նախարարության բոլոր պնդումները:
- Երևանի փոխքաղաքապետ Տիգրանի Ավինյանի հանձնարարականով քննարկվում է Ազատության հրապարակում բնական քարերից սալիկապատում իրականացնելու հայտը: Ազատության հրապարակը բնական քարերով սալիկապատելու աշխատանքները կսկսվեն սեպտեմբերից ոչ շուտ։
- Իսրայելի պաշտպանական արդյունաբերության ձեռնարկություններից մեկը Ադրբեջանի երկու արբանյակ է մատակարարելու 120 մլն դոլար արժողությամբ։ Գործարքի մասին հայտնել է Բաքվում իսրայելական պատվիրակությանն ուղեկցած լրագրողներից մեկը։ Այլ մանրամասներ չեն հաղորդվել։
Այս ժամի լուրերը՝ տեսանյութում։
