16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Շվեդիան հետ կկանգնի՞ Հայոց ցեղասպանության ճանաչումից․ Աղազարյանի ստորագրահավաքը Թովմասյանի դեմ․ Լուրեր
Քաղաքականություն
21.04.2023 | 18:05
- Շվեդիայի խորհրդարանի պատգամավոր, հայ-շվեդական բարեկամության խմբի ղեկավար Բյորն Սյոդերը հայտարարել է, որ երկրի ԱԳՆ-ից խնդրել են խմբի անդամներին քննարկել հիշատակի միջոցառումը չեղարկելու հարցը, քանի որ դա կարող է վնասել Շվեդիայի՝ ՆԱՏՕ-ին միանալու հեռանկարներին։ Սա, ըստ էության, կապված է այդ երկրի վրա Թուրքիայի ճնշումների հետ։ Երկրի ԱԳ նախարարն էլ հայտարարել է, թե Շվեդիայի կառավարությունը հրապարակային չի արտահայտել իր դիրքորոշումը Օսմանյան կայսրությունում հայերի ցեղասպանության վերաբերյալ։ Իրականում Շվեդիայի խորհրդարանը դեռ 2010 թվականին ճանաչել է Հայոց ցեղասպանությունը համապատասխան բանաձևով։
- Գեղարքունիքի մարզի Ազատ գյուղի զորամասի կացարանի հրդեհի հետեւանքով զոհված զինծառայողների հարազատները, որոնք բողոքի ակցիա էին կազմակերպել Կառավարության շենքի մոտ վարչապետ Նիկոլ Փաշինյանի եւ Պաշտպանության նախարար Սուրեն Պապիկյանի հետ հանդիպելու պահանջով, հանդիպում կունենան վարչապետ Նիկոլ Փաշինյանի օգնական Գագիկ Իսախանյանի հետ։
- Էկոնոմիկայի նախարար Վահան Քերոբյանն այսօր հայտարարել է, որ Հայաստանը որևէ կերպ չի փորձում օժանդակել ՌԴ–ին սանկցիաների շրջանցման հարցում։ Նրա խոսքով՝ Հայաստանը ՌԴ-ի հետ գտնվում է նույն մաքսային և տնտեսական գոտում, ինչը նշանակում է, որ ապրանքների տեղաշարժը երկրների միջև ազատ է։
Այս ժամի լուրերը՝ տեսանյութում։
