05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Հովիկ Աղազարյանը՝ Թագուհի Թովմասյանին պաշտոնանկ անելու նախաձեռնության մասին․ ՏԵՍԱՆՅՈՒԹ
Քաղաքականություն
21.04.2023 | 13:28
Ստորագրահավաքը շուտ եմ իրականացրել, 29 պատգամավոր ստորագրել է, և այդ փաստաթուղթը ներկայացրել եմ «Քաղաքացիական պայմանագիր» խմբակցության ղեկավար Հայկ Կոնջորյանին․ կարծում եմ՝ առաջիկայում խմբակցության արտահերթ նիստ կհրավիրվի, հարցը կքննարկվի և եթե որոշում կայացվի, ընթացք կտրվի։ Այս մասին այսօր ԱԺ-ում լրագրողների հետ զրույցում նշեց «Քաղաքացիական պայմանագիր» խմբակցության պատգամավոր Հովիկ Աղազարյանը՝ անդրադառնալով ընդդիամդիր պատգամավոր, ԱԺ Մարդու իրավունքների և հանրային հարցերի մշտական հանձնաժողովի նախագահ Թագուհի Թովմասյանին անվստահություն հայտնելու նախաձեռնության մասին հարցին։
Աղազարյանի խոսքով՝ այդ պաշտոնը վերապահված է ընդդիմությանը և ընդդիմությունը պետք է առաջադրի նոր թեկնածու։
Հարցին, թե իրավական հիմք կա՞ անվստահություն հայտնելու համար, ՔՊ-ականն արձագանքեց. «Էլի պատճառներ կան: Առիթը հանձնաժողովի նիստն է հանդիսացել, բայց վաղը մյուս օրը, եթե հարցը հասնի տրամաբանական ավարտին, կբերեմ բոլոր հիմնավորումները, եթե իհարկե, խմբակցության իմ գործընկերները հավանություն տան այդ գործընթացին»:
Դիտարկմանը, որ Արթուր Հովհաննիսյանը ողջ ընթացքում սպառնում էր Էդգար Ղազարյաին, թե «լեզուդ ու ականջներդ կկտրեմ», դրա մեջ ոչ մի պախարակելի բան չի տեսնում, սակայն անընդունելի է համարում հանձնաժողովի նախագահ Թագուհի Թովմասյանի վարքը, Աղազարյանը պատասխանեց. «ԱԺ մարդու իրավունքների պաշտպանության հանձնաժողովի նիստում ՔՊ խմբակցության քարտուղար Արթուր Հովհաննիսյանը իր վրա վերցրեց հարվածն ու պատասխանատվությունը և ՄԻՊ թեկնածու Էդգար Ղազարյանի արտահայտած մտքերի մի երկու լեվլ ցածր մակարդակով արձագանքեց։
Այո, Թագուհի Թովմասյանը պարտավոր էր որպես հանձնաժողովի ղեկավար, օրինակ, ընդմիջում հայտարարել և կողմերին հրավիրել, այսպես կոչված, կոռեկտության»:
Մանրամասները՝ տեսանյութում։
