05.08.2026 | 17:03
Ձեր ականջներում արձագանքում է Ալեքսանդրովի Великая держава-ն, բայց ՀՀ-ի հիմնը այլ է․ Բաղդասարյան. ՏԵՍԱՆՅՈՒԹ
Նենսի Փելոսին՝ ԼՂ հակամարտության վերջնական կարգավորման ճանապարհի մասին․ ՏԵՍԱՆՅՈՒԹ
Քաղաքականություն
20.04.2023 | 14:47
Լեռնային Ղարաբաղի հակամարտության համապարփակ և վերջնական կարգավորումը պետք է լինի բանակցային ճանապարհով, որպեսզի հնարավոր լինի ճանապարհ հարթել դեպի խաղաղություն և անվտանգություն։ Այս մասին հայտարարել է ամերիկացի կոնգրեսական Նենսի Փելոսին՝ ելույթ ունենալով ԱՄՆ կոնգրեսում Հայոց ցեղասպանության տարելիցին ընդառաջ կազմակերպված միջոցառման ժամանակ։
Պետք է բանակցային, համապարփակ ու տևական կարգավորում ունենա այս հակամարտությունը, որպեսզի մենք կարողանանք ճանապարհ հարթել խաղաղության ու անվտանգության համար։ Մի սխալվեք, հայ ժողովրդին օգնելը դուրս է կուսակցականությունից ու քաղաքականությունից։ Այն շատ երկկուսակցական է։ Ամերիկան այնքան ժամանակ կլինի այնտեղ, որքան ՀՀ-ն կլինի ընդդեմ բռնապետության, ժողովրդավարության համար մարտի առաջնագծում ։ Մենք դա տեսանք, երբ այնտեղ էինք»,- հայտարարել է Փելոսին ԼՂ հակամարտության վերաբերյալ իր ելույթում։
Հիշեցնելով ՀՀ կատարած իր այցի մասին՝ Փելոսին նշել է, որ այդ ժամանակ այցելել է Հայոց ցեղասպանության զոհերի հիշատակի հուշահամալիր։
«Մենք դրանով հաստատեցինք այն ամուր համոզմունքը, որ Օսմանյան կայսրության կողմից մարդկության դեմ հրեշավոր հանցագործությունները երբեք չպետք է մոռացվեն։ Մենք պետք է ապահովենք, որ այս վայրագությունները երբեք չկրկնվեն»,- ասել է Փելոսին։
Տաթև Ֆռանգյան
