15.09.2026 | 14:26
Փետրվարի 8-ից «խվատայկաները» կհամարվեն շահումով խաղ․ ՊԵԿ
Ինչու են Ռյազանի հայերին զանգվածաբար հետապնդում․ համայնքի ղեկավարը մանրամասներ է պատմում․ ՏԵՍԱՆՅՈւԹ
Հասարակություն
19.04.2023 | 18:45
ՌԴ Ռյազան քաղաքում հայերի նկատմամբ շաբաթներ շարունակ տեղի ունեցող զանգվածային հետապնդումները և ձերբակալություններն այս պահի դրությամբ դադարել են։ Ռյազանի շրջանի հայ համայնքի ղեկավար Ռոբերտ Ալիխանյանը Factor TV-ին փոխանցեց, որ ապրիլին 4 անգամ մասսայական դեպքեր են գրանցվել, երբ առանց պաշտոնական փաստաթղթի հետախուզել են հայկական տարածքները և հայկական ծագմամբ քաղաքացիներին բերման ենթարկել ոստիկանություն։
«Մատնահետք էին վերցնում, հեռախոս, երեքից չորս ժամ պահում ոստիկանությունում։ Մարդկանց չէին բացատրում, թե ինչի համար են հայտնվել այնտեղ», – ասաց Ռոբերտ Ալիխանյանը։
Նրա խոսքով՝ զանգվածային հետապնդումներից առաջ ոստիկանություն է հրավիրվել և ծանոթացել երեք հայերի նկատմամբ քրեական գործին, ովքեր սրճարաններից մեկում վեճի են բռնկվել Ուզբեկստանի քաղաքացիների հետ։ Դանակահարություն է եղել, իսկ երեք հայ երիտասարդները դիմել են փախուստի։ Այժմ նրանց նկատմամբ հետախուզում է հայտարարված։ Ռյազանի շրջանի հայ համայնքի ղեկավար Ռոբերտ Ալիխանյանն ասում է՝ ոստիկանությունում հայտնել է, որ հետապնդվող քաղաքացիների մասին տեղեկություն չունի, որից հետո Ռյազանի շրջանում սկսվել է հայերի զանգվածային հետապնդումներն ու ձերբակալությունները։
«Չէին նայում՝ հայերը Ռուսաստանի քաղաքացի են, թե Հայաստանի։ Առաջին անգամ էր, որ հայերի հանդեպ մաշտաբային այսպիսի վերաբերմունք էր»,- ասաց Ալիխանյանը։
Մանրամասները՝ տեսանյութում։
Անի Թամրազյան
